Өмнөд туйлын дээрх озоны цоорхой нөхөгджээ

Админ
2021/01/12

ЖЕНЕВ. /TASS/. Дэлхийн Өмнөд туйлын дээрх озоны цоорхой 12 дугаар сарын сүүлчээр нөхөгдсөн талаар Дэлхийн цаг уурын байгууллагын албан ёсны төлөөлөгч Клэр Нюллис мэдээлжээ.

"Антарктикийн дээрх озоны цоорхой нь 40 жилийн өмнө озоны давхаргын мониторинг хийж эхэлснээс хойш бүртгэгдсэн хамгийн том, хамгийн гүн цоорхойнуудын нэг байсан бөгөөд хамгийн удаан оршин тогтнож байсан цоорхой юм. Уг цоорхой 12 дугаар сарын эцсээр битүүрсэн ч ердийнхөөс хамаагүй хожуу нөхөгдсөн" гэж Нюллис хэлсэн байна.

Дэлхийн Өмнөд туйлын дээр үүссэн энэхүү цоорхой нь 2020 оны намар сүүлийн жилүүд дэх хамгийн том хэмжээндээ хүрч тэлжээ. Өнгөрсөн оны наймдугаар сард огцом томорч, есдүгээр сарын 20-нд хамгийн дээд хэмжээндээ буюу 24.8 сая хавтгай дөрвөлжин км-т хүрсэн байна.

Озоны давхарга нь газрын гадаргаас дээш 10-16 километрээс эхэлж, 50 орчим километр хүртэл үргэлжилдэг бөгөөд нарны хэт ягаан туяанаас (UV-A/UV-B) манай гаргийг хамгаалдаг бамбай юм.


Эх сурвалж: https://montsame.mn/mn/


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.