#Шууд: АМГТГ-аас автобензиний нөөц, хомсдол үүссэн гэх асуудлаар мэдээлэл хийж байна.

Өнгөрсөн долоо хоногт Улсын хэмжээнд дунджаар ердийн хэрэглээний 29 хоногийн газрын тосны бүтээгдэхүүний нөөцтэй байна. Үүнээс А-80 автобензин 40, Аи-92 автобензин 24, дизелийн түлш 31, ТС-1 онгоцны түлш 12 хоногийн нөөцтэй байна хэмээн мэдээлж байсан билээ.

АМГТГ-ын дарга Ц.Эрдэнэбаяр:

- Монгол улсын автобензины гол нийлүүлэгч бол ОХУ-ын Роснефть компани. Энэ компани  жил болгон 9 дүгээр сард урсгал засварт ордогтой холбогдуулан нийлүүлэлтээ багасгасан. Тиймээс зөрүүг нь БНХАУ-аас авахаар  ААН-үүд болон Улаанбаатар төмөр зам, Зам тээврийн яам, Гадаад харилцааны, Гаалийн Ерөнхий газруудтай хамтран ажиллаж байна.

 Өнөөдрийн байдлаар газрын тосны бүтээгдэхүүний 28 хоногийн нөөцтэй, Аи-92 автобензин 21, дизелийн түлш 35, А-80 автобензин 40, ТС-1 онгоцны түлш 12 хоногийн нөөцтэй байна. Иргэдийн хэлж байгаачлан шатахууны хомсдолын асуудал үүсээгүй. Гэхдээ тодорхой хэмжээний нөөц багассан. Үүний дагуу зарим ААН-үүд хязгаарлалт хийсэн байна. Аль болох хязгаарлалт хийлгэхгүй байх тал дээр анхаар байна.

- Үнэ нэмэгдэх ямар ч нөхцөл байхгүй. Учир нь 9 дүгээр сарын хил үнэ өмнөх сараас 34 ам доллараар тонн тутамдаа буурсан. Тиймээс үнэ өснө, хомсдол үүсэж байна гэдэг ташаа мэдээлэл гэдгийг онцолъё.

- Өчигдрийн байдлаар 71 ШТС-аас мэдээлэл авахад 13 нь түгээлт хийхгүй байна. Энэ нь нөөцтэй холбоотой.

- АМГТГ-аас шатахуунаа 100 төгрөгөөр буулгах шаардлагыг ААН-үүдэд тавьж байгаа. Учир нь Аи-92 автобензины улсын нөөцийн хэмжээг 30 мянган тонн хүртэл нэмэгдүүлэх ЗГ-ын тогтоол гарсан. Харин ААН-үүд нөөц ороод ирвэл шатахууны үнээ буулгаж болно гэх тайлбарыг өгөөд байна.