Байр, автомашинаа зарж, цахим мөрийтэй тоглоом тоглосон залуу 1.2 тэрбум төгрөгийн өрөнд оржээ

Б.Ариунзаяа
2021/11/18

Сүүлийн жилүүдэд иргэд цахим мөрийтэй тоглоом тоглож, их хэмжээний хөрөнгөө алдсан тохиолдлууд ихээр гарсаар байна. Тэдний зарим нь амьдарч байгаа байр, унаа, компаниа хүртэл зарж тогложээ. 

Цахим мөрийтэй тоглоомыг зохион байгуулагчид нь тоглогчдын гарт байгаа хөзрийг мэддэг,  тоглолтын үр дүнг хүссэнээрээ өөрчлөх боломжтой байдаг аж. Ингэхдээ залуучуудыг мөрийтэй тоглоомонд оруулахын тулд эхлээд хожих боломжуудыг олгож, их хэмжээгээр мөнгө оруулбал их ашиг олно гэсэн сэдлийг төрүүлэх тактик ашигладаг байна. 

Гэвч энэ зарчмаар цахим мөрийтэй тоглоомонд бүрэн донтож, гурван жилийн дотор 1 тэрбум  200 сая гаруй төгрөг болон гэр бүлээ алдсан иргэний талаарх мэдээллийг сэрэмжлүүлэг болгон хүргэж байна.

Иргэн Ц нь одоогоос 3 жилийн өмнө цахим мөрийтэй тоглоом тоглож эхэлжээ. Энэ хугацаанд нийтдээ 1.2 тэрбум төгрөгийг алдаж, 500 сая төгрөгийн өр төлбөрт орж, гэр бүл найз нөхөд, өмч хөрөнгөө алдсан байна.  

Иргэн Ц:  

- Би сүүлийн гурван жилийн хугацаанд тоглож байна. Одоогоор цагдаагийн байгууллагад гомдол гаргасан хохирлын хэмжээ нийт 1 тэрбум 200 гаруй сая төгрөг байгаа. Өөрийн мөнгө хүнээс зээлж авсан гээд л нийт хэмжээ.

Хамгийн анх манай ойрын найз онлайнаар покер тоглодог байсан. Би мэддэг байсан ч сонирхдоггүй байлаа. Манай найз 10 сая төгрөгөөр тоглоод 20-30 сая төгрөг хожчихдог байсан юм. Түүнийг нь хараад л болох юм байна гэж бодоод тоглож эхэлсэн. Эхэн үедээ мөнгө хождог нь үнэн. Сүүлдээ мөнгөө алдаад ирэхээр буцаагаад богинохон хугацаанд олоод авчхаж чадна гэсэн бодол төрдөг юм билээ. Хожигдох тусам миний алдаж байгаа мөнгөний тоо нэмэгдээд тэр хэмжээгээрээ олж авах гэж илүү их мөнгөөр тоглодог өрөөнүүдэд ороод алдах хэмжээ нь ч улам их болчихсон.

Ний нуугүй ярихад би хувиараа бизнес эрхэлдэг байсан. Эхлээд өөрийнхөө дансанд байсан мөнгөөрөө тоглож эхлээд хадгаламж руу гаа орж эхэлсэн. Мэдээж алдана. Дараа нь бизнесийн хамтрагчдаасаа мөнгө зээлж, түүнийгээ алдсан. Өрөө авах хүмүүс эхнэр рүү минь ярьж эхэлсэн. Ингээд л хэрүүл үүсэж, эхнэр салсан. Ах дүү, хамаатан садандаа ч нэр хүндгүй болоод удаж байна.

Эхэндээ би луйвар гэдгийг нь ерөөсөө мэдээгүй. Хүмүүс хэлдэг л байсан. Гэхдээ тийм биш байх гэж бодоод л өнгөрсөн. Бүр дараа нь цагдаад баригдаад мэдүүлэг өгөх гээд очиход зохион байгуулж байгаа хүмүүсийг нь таних уу гээд зураг үзүүлсэн. Тэр үед л тоглогч нарын хөзрийг бүгдийг цаанаас нь хянаад хараад байж байдаг юм байна гэдгийг мэдсэн. Онлайн покерийн Монгол сайт ч байгаа, гадаад ч байгаа. Тэд  бүгд л луйвар.” гэв.

Иргэн Ц мөрийтэй тоглоом тоглохын тулд 500 сая төгрөг хүнээс зээлжээ. Үүнийгээ төлж барагдуулж чадаагүй тул одоогоор цагдаагийн байгууллагад  шалгагдаж байна.

Сэтгэгдэл (10)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 202.126.89.92
    2021/11/22

    Ийм төрлийн дотоод гадаадын сайтуудыг бүүр хаагаачээ 10 жилийн хүүхдүүд хбэт гэж мөрий тавьдаг сайтуудаар мөрий тавиад донтоод байна шүү дээ

    Хариулах
  • 202.9.40.242
    2021/11/19

    Hvn uuriin gesen tolgoitoi bai zaluuchuud mini udardlagtai togloom shig tenegdqel...uuruul .Zowno.!!!!?

    Хариулах
  • 142.234.80.86
    2021/11/19

    Huurhii doo. Yaana - mung zeelsen humuus ni bas hoolgui yavj baigaa baihdaa.

    Хариулах
  • 66.181.161.78
    2021/11/19

    GOHCHINEEEE

    Хариулах
  • 202.55.188.45
    2021/11/18

    pokerstar togoldog zalyychyyd mash ihshdee adilhan site app yyd bur hugjtsun. heden porno site haaj baihaar iim muriitei togloomiin sityydiig haagaasai

    Хариулах
  • 103.57.93.171
    2021/11/18

    Tsahim gemt heregtei temtseh gazar yuga hiigeed yawaan be hydlaa vnen yum yarial medeel hiigeelyawdag ajilaa hiigeech

    Хариулах
  • 14.132.0.90
    2021/11/18

    Pokerrrr2 bas ustgaa

    Хариулах
    • 202.9.47.49
      2021/11/21

      pokerrr 2 bas ustgax xeregtei mash ix luivar bdg

    • 103.57.93.171
      2021/11/18

      Pokerrr 2 bas ystgaa

  • 202.179.8.18
    2021/11/18

    HOHINEEE HOHINE PSDA

    Хариулах