2019 оны тавдугаар сарын 15-ны өдрөөс эхлэн Улаанбаатарт түүхий нүүрс хэрэглэхийг хориглосон. Тэгвэл зарим ААН-үүд түүхий нүүрс түлсээр байна. Тухайлбал  Хан-Уул дүүргийн 3 дугаар хороо Дулааны цахилгаан станцын баруун урд байрлах Алтай гацуурт ХХК нь түүхий нүүрс түлж байсныг илрүүлжээ. Тус орчмын бүс нь агаарын чанарыг сайжруулах 4 дүгээр бүс буюу бүх төрлийн хатуу түлш хэрэглэхийг хориглосон бүс бөгөөд  Алтай гацуурт ХХК  нь түүхий нүүрс хэрэглэж, блокны үйлдвэрлэл эрхэлж байсан зөрчлийг илрүүлэн ажиллаж байна.