Оршуулгын тэтгэмжийг 2023 оноос эхлэн 2 сая төгрөг болгон шинэчлэн тогтоолоо
Нийгмийн даатгалын үндэсний зөвлөл хуралдлаа. Хурлаар:
- Оршуулгын тэтгэмжийн хэмжээг шинэчлэн тогтоох тухай
- Нийгмийн даатгалын сангийн орлого, зарлагын 2022 оны хүлээгдэж буй гүйцэтгэл, 2023 оны төсвийн төслийн санал, 2024-2025 оны төсвийн төсөөллийн танилцуулга гэсэн хоёр асуудал хэлэлцжээ.
Улмаар нийгмийн даатгалын сангаас олгох тэтгэвэр, тэтгэмжийн тухай хуулийн 20 дугаар зүйлд заасан оршуулгын тэтгэмжийн болон цэргийн алба хаагчийн тэтгэвэр тэтгэмжийн тухай хуулийн 20 дугаар зүйлд заасан нас барагчийн ар гэрт олгох тэтгэмжийн хэмжээг 2 сая /2,000,000/ төгрөгөөр шинэчлэн тогтоолоо.
Мөн амьгүй донор болж эс, эд эрхтэнээ бусдад шилжүүлсэн хүний /даатгуулагчийн/ ар гэрт олгох тэтгэмжийн хэмжээг 3 сая 500 мянган /3,500,000/ төгрөгөөр тогтоолоо.
Тогтоолыг 2023 оны 1-р сарын 1-ний өдрөөс мөрдөж эхэлнэ.
Оршуулгын тэтгэмжийн хэмжээг өмнө нь:
2002 онд Засгийн газрын шийдвэрээр 148,500 төгрөг
2009 онд НДҮЗ-ийн шийдвэрээр 300,000 төгрөг
2013 онд НДҮЗ-ийн шийдвэрээр 620,000 төгрөг
2016 онд НДҮЗ-ийн шийдвэрээр 1,000,000 төгрөгөөр тогтоож байжээ.
Сэтгэгдэл (3)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
87.167.239.202
Denduu baga bna 5 say bolgooroi
Хариулах103.229.122.79
Оршуулгын зардал маань багадаа л 10-16 сая байгаа шүү дээ. Газраа гадныханд өгөөд өөрсдөө газар худалдан авч үхнэ гэдэг юу ч гэсэн үг юм.
Хариулах202.126.88.180
Unen shuu