#ШУУД: ӨРГӨӨ АМАРЖИХ ГАЗРЫН ЗАХИРАЛ АСАН Ж.ЭНХЦЭЦЭГЭЭС ЗГХЭГ-ЫН ШАЛГАЛТЫН ТАЛААР ТОДРУУЛЖ БАЙНА...

Ж.ЭНХЦЭЦЭГ: 

- Сая хэрхэн ажиллаж байсан, ямар ажил хийж байсан талаараа тайлангаа тавьчихаад гараад ирлээ. Учир нь эмнэлгийн тусламж үйлчилгээ алдагдуулсан гэж мэдэгдээд байгаа хүмүүс нь ажлаа үргэлжүүлж байгаа учраас тайлбар хийх хэрэгтэй гэж бодсон. 

- Миний хувьд өмнө нь хувийн эмнэлэгтэй байсан. Харин энэ ажлыг аваад ажлаа хүлээлгэж өгсөн. ҮЭХ-ноос манайд 30 гаруй эмнэлэгтэй эмч байдаг гэсэн зүйл танилцуулсан. Миний тооцоолж байгаагаар манайд 10 гаруй хувийн эмнэлэгтэй эмч байдаг. 

- Миний ажиллаж байх хугацаанд манай эмнэлэгт эхийн эндэгдэл огт гараагүй. 2021, 2022 онд эхийн эндэгдэл гараагүй гэдгийг улсын зөвлөгөөний үеэр онцолсон. Харин буруу тариа тарьсан гэх асуудал бий. Энэ асуудал хуулийн байгууллагад шалгагдаж байгаа учраас хэлж мэдэхгүй байна. 

- Дотоод хяналтын ажилтан байгууллага болгон дээр ажилладаг. Манай төрөх эмнэлэгт сүүлийн хоёр жилийн хугацаанд мөнгө өгч төрсөн гэх тохиолдол гараагүй. Үйлчлүүлэгчдийн сэтгэгдэлээс харахад тавтай тухтай орчинд үйлчилгээний хандлага сайжирсан гэсэн үр дүн гарсан. 

- Хүнийг өмнө нь ажиллаж байсан байгууллагаар нь ялгаварлаж, болохгүй.  Дэд захирлыг төрийн албаны хуулийн дагуу сонгон шалгаруулалт хийж, Удирдах зөвлөлийн хурлаараа оруулж ажилд авсан. П.Эрдэнэцэцэг бол эрхзүйч мэргэжилтэй. Манайд ажиллахаасаа өмнө олон улсын байгууллагад ажиллаж байсан туршлагатай юм билээ. 

- Намайг ёсзүйн зөрчил гаргасан гэж мэдэгдсэн. Яг үнэндээ  төлбөр мөнгө авахыг нь болиулсан хүнтэй  ёс зүй ярихаас илүү төлбөр мөнгө авдаг хүмүүстэй ёс зүй ярих нь илүү шударга баймаар.