ДАТА: Хотын төвд 200 метр тутамд, гэр хороололд 3 км тутамд эмийн сан таарах магадлалтай байна

Админ
2022/11/23

Монгол Улсын сайд, Түгжрэлийг бууруулах үндэсний хорооны дарга Ж.Сүхбаатар түгжрэлийн асуудлаар УОК-ын өргөтгөсөн хуралдааны үеэр байр сууриа илэрхийлэхдээ гэр хорооллын иргэдийг эм авахын тулд хотын төв рүү ордог хэмээн мэдэгдсэн. 

Ж.СҮХБААТАР: 

- Түгжрэлтэй бүх л юм уялдах юм. Түгжрэл гээд байгаа болохоос биш яг тусдаа салбар байхгүй. Жишээлбэл, гэр хороололд эмийн сан маш бага байгаа нь эмийн сангийн дата дээр харагдаж байна. Орон сууцны хорооллуудад нэг булан эргээд л эмийн сан байдаг.  Хүмүүс эмийн сан хайж ийш тийшээ явдаг" гэсэн. 

Тэгвэл Тунгаахуй өгөгдлийн урлангийн гаргасан мэдээллээр Улаанбаатар хотын нийт эмийн сангийн 63 хувь нь хотын төв буюу орон сууцны хороололд төвлөрсөн байна. Өөрөөр хэлбэл хэрэв та хотын төвөөр буюу орон сууцны хорооллоор явбал 200 метр тутамд эмийн сан тааралдах магадлалтай бол гэр хороололд дунджаар 3 км зайд эмийн сан таарах магадлалтай байна. 

Түүнчлэн улсын хэмжээнд 2021 оны байдлаар 4,952 эрүүл мэндийн байгууллага үйл ажиллагаа явуулж байгаагаас Openstreetmap дээр 1,650 нь буюу нийт эрүүл мэндийн байгууллагын 30 хувь нь тэмдэглэгджээ. OSM-д тэмдэглэгдсэн эрүүл мэндийн байгууллагуудын 66 хувь Улаанбаатар хотод үйл ажиллагаа явуулж байна.

Дата эх сурвалж: ТУНГААХУЙ өгөгдлийн урлан / TUNGAAHUI Data Studio


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 192.82.68.49
    2022/11/23

    Энэ хүн үнэн тэнэг хүн ээ? Захын ядуус унаа хөлөглөөд хотын төвд түгжрэлд ороод эмийн сан хайгаад явж байх юм гэнээ.Эмийн санг хотын захад олноор нь байгуулвал хотын түгжрэл бгасах гэнээ. Ёстой Ха . хаа

    Хариулах