Засгийн газрын молиго буюу түлш, шатахууны үнийг барих САНААРХАЛ

Админ
2022/11/25

Засгийн газар үйл ажиллагаагаа бодлогоор бус босч харайхын ирмэгт байгаа ард түмнийхээ сэтгэлзүй дээр тоглолт хийх замаар явуулж байгаа нь бодит үнэн. Асуудал гарсан даруйд аанай л таалагдах шийдвэр гаргачих гэж үздэг тэдний жадын үзүүрт ямагт эх орныхоо эдийн засгийг сэргээчих гэсэн хэдэн муу сайн бизнес эрхлэгчид өртдөг нь нууц биш.  

Аман дээрээ ААН-үүдээ тултал нь дэмжинэ гэх атал ачир дээрээ бүсийг нь тасартал чангалж, жаахан л сөрвөл, татвараар дарамталж, тусгай зөвшөөрөлтэй чинь ярина гэж сүрдүүлдэг нь тэдний үнэн нүүр царай 

Аливаа бизнес чөлөөт өрсөлдөөнөөр хөгждөг. Төр оролцож, шийдвэрээрээ хавчаад эхэлбэл л сөнөхийн цондонг зөгнөдөг жамтайАрчаагүй, унхиагүй төрийн балгаар хаалгаа барьсан ААН-үүдийн хэдэн зуугаараа тоологдож буй энэ үед тэдний араас төдийгөөс өдий хүртэл иргэдийнхээ шатахууны хэрэгцээг хангаж ирсэн хэдэн компаниудаа тавиад туучих санаархалдээдсүүдийндунд байх шиг. Цаг зуурын улстөрчдийн халаасыг зузаалахаас цалин, мөнгө, амьдрал ахуйгаараа монголчууд л нийтээрээ хохирох бус уу... 

Хэнхэний бизнесийг дэмжих гээд улайрчихав 

---------------------------

Өнгөрсөн сард ОХУ-д гарсан түр зуурын саатлаас болж Монгол улс шатах, тослох материалын хомсдолд орж, уул уурхайн бүс нутаг болох Өмнөговьд түүний дотор гол экспортыг хийж буй Цогтцэцийд дизель түлш хомсдож, тээврийн компаниуд тээвэрлэлтээ зогсооход хүрсэн. Хомсдолоос болж дизель түлш 4300 хүрсэн ч олдохгүй байгаа тухай уурхайчид, нүүрс тээвэрлэгч компаниуд хэлж байв. Энэ зуур монголд нефть импортлогч компаниуд шиг хэрэггүй, өөдгүй, ард түмэндээ хайргүй, увайгүй хүмүүсгүй алга болов. Зарим нь бүр монопол эрхтэй тэдний хажууд “Роснефть” нь ороод ирвэл дээр дээ гэцгээх. Хажуугаар нь Засаг нь компаниуд түлшний нөөцийн сав муутай гэж хатгах.  

Үнэндээ манай ААН-үүдэд түлшний нөөцийн сав хангалттай бий. Гагцхүү өдөр өдрөөр бус цаг минутаар өөрчлөгддөг төр засгийн шийдвэрээс болж нефть импортлогч компаниуд үнэ урт хугацаандаа төлөвлөлт хийж чаддаггүй. Ялангуяа үнэ барьж байх үедээ үнэтэй түлш авах нь өөрсдийгөө хорлосноос ялгаагүй. Учир нь байнга ирэх сүрдүүлэг, тусгай зөвшөөрлийг чинь хураана гэх дарамтаас болж үнэтэй авсан бүтээгдэхүүнээ хямдхан зарж мэдэх тул бага  хэмжээгээр оруулж, борлуулдаг нь саяны нөхцөлийг бүрдүүлсэн хэрэг. Хамгийн сонин нь яам нефть импортлогчдод нөөцийн сав бий гэдгийг мэдэхийн дээдээр мэдэх атал, зориуд худал мэдээлэл тараасан нь цаанаа ямар нэг ашиг сонирхол нуугдаж байна уу гэх хар төрүүлчихлээ. Хэн, хэний бизнесийг дэмжих гээд улайрчихав... 

 

Засгийн газрын бас нэгэн молиго үхмүүлэлт

---------------------------

Ам нээвэл уушги нээ гэдэг дээ. Засгийн газрын дахин нэг молиго үмхүүлэлтийн талаар хэдэн үг хэлээд авъя.

Ерөнхий сайд Л.Оюун-Эрдэнэ өнгөрсөн 9 дүгээр сард ОХУ-д айлчлал хийхдээ Роснефть компаниас нефтийн бүтээгдэхүүнийг зах зээлийн үнээс 10 хувийн хямдаар авах 5 жилийн гэрээ байгууллаа. Энэ нь цаашид үнэ хямдрах нөхцөл бололцоог бүрдүүллээ гээд л баруун солгойгүй “шоудсан”. Одоо ч энэ сэдвээрээ тоглолт хийж, навс унасан Засгийн газрынхаа рейтингийг бага ч болов дээшлүүлэх гэж ядаж буй. Манайхан “РоснефтьХХК-ийг өөрсдийнхөө дарладаг хэд шиг ээ санасан уу яасан, толгой дохихтой зэрэгцээд “Би шатахуун, түлшээ хямд авахаар боллоо” гэж цээжээ дэлдэх. Үнэндээ Роснефть ХХК үндсэн, ерөнхий гэрээг 5 жилээр хийсэн ч үнэ төлбөрийг жил жилээр харах тухай гэрээ л хийсэн гэдэг.

Ямар ч компани алдагдал хүлээхийг хүсдэггүй. Ялангуяа дэлхийн нийтэд нөхцөл байдал хүнд, ялангуяа улс орных нь эдийн засгийн “цаг агаар” бүр хүнд байгаа энэ үед хэн л бидэнд алдагдал хүлээн барин найр тавих билээ. Тэглээ ч Монгол Улс нефтийн бүтээгдэхүүнийг боловсруулж эцсийн бүтээгдэхүүн болгож чаддаггүй, 100 хувь импортоор шатахууны хэрэгцээгээ хангадаг тул ҮНЭ ТОГТВОРТОЙ БАРИХ гэдэг бодлого энэ салбарын хувьд байж боломгүй зүйл. Зүрхний цохилт мэт хэлбэлзэх үнийг зөвхөн монголд нэгэн хэвийн /шулуун/ байлгах гэнэ. Дэлхийд байхгүй энэ бодлогыг олон улсын байгууллагууд “алдаа” гэж анхааруулаад байхад л үгүй гэж зүтгэж буй нь олон хүнд “тэнэгийн ухаан үдийн хойно” гэх үгийг бодогдуулдаг бизээ.


Ирэх сард түлшний үнэ хямдрах боломжтой юу...

---------------------------

Төр бол бизнес эрхлэгч биш. Тэдний үйл ажиллагааг зааварладаг эрхзүйн субъект нь бүр ч биш. Гэтэл салбарын сайд нь Засгийн газрын хуралдааны шийдвэрийг танилцуулах үеэрээ ирэх 12 дугаар сард түлшний үнэ бууна гэв. Бараг яам бүх хүч чадлаа дайчлаад түлшний үнийг буулгана гэчихэв. Манай улс олон хүчин зүйлээс шалтгаалаад валютынхаа ханшийг тавиад туучихсан. Хэдийгээр гадаад нөхцөл байдал тогтвортой байгаа ч төгрөгийн ам.доллартой харьцах ханш 18 хувиар сулраад байгаа энэ үед ихэнх компаниудад алдагдалтай ажиллаж буй. Ийм үед хар ухаанаар бодсон ч түлш хийгээд шатахууны үнэ буурах боломжгүй. Ялангуяа нефтийн үнэ буусан ч ам.доллартой харьцах төгрөгийн ханш өссөн хэвээр байвал Монгол дахь үнэ буух ямар ч боломжгүй юм. Тоо боддог ямар ч хүн үүнийг мэдэхтэйгээ байхад ямар зорилгоор “үнэ буулгана” гэж мэдэгдэл хийснийг үнэндээ тааварлашгүй нь. Монгол төр зүтгэсэн хүндээ ч, зүтгэж буй ААН-дээ ч халтай аж. Хэрэв илүү дутуу санаагүйгээр дотооддоо үйлдвэрлэж чаддаггүй бараа бүтээгдэхүүн, тэр дундаа түлш шатахууныхаа үнийг чөлөөлчихвөл өрсөлдөөнийхөө хуулиар энэ салбарын зах зээлийн орчин цэвэршиж, шударга царайлсан улстөрчдийн тоглоомоор улс орноороо хохирохоос сэргийлэх бус уу...



Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 122.201.22.252
    2022/11/25

    Засгийн газар цахилгааны шөнийн хөнгөлөлтөө больсон уу? Ардууд зарлаач, хөнгөлөлтөнд найдаад өрөнд орно шүү

    Хариулах