Шувуу ажиллагааны хүрээнд эрэн сурвалжлагдаж 140 гаруй хүний нэрсийг Засгийн газар зарласан. Эдгээр хүмүүсийн зарим нь өөрсдийн хүсэлтээр хэргээ шалгуулахаар эх орондоо ирсээр байна.  Тодруулбал Хөгжлийн банкны хэрэгт шалгагдаж байгаад оргон зайлсан яллагдагч Б.Баттулга БНХАУ-д байгааг АТГ-ын мөрдөгчид тогтоожээ. Улмаар өөртэй нь холбоо тогтоосны дагуу тэрбээр Замын-Үүд боомтоор автомашинаар орж ирсэн байна. Тэрбээр Хөх хот-Эрээн гэсэн маршрутаар явж Монгол Улсын хилээр өнөөдөр нэвтэрчээ. Б.Баттулга нь өөрөө ирж байгаа учир албадлага шаардлагагүй аж.