Ууган “Тавантолгой” ХК үүсэн байгуулагдсаны түүхт 60 жилийн ойн баярын хурлын үеэр Монгол Улсын Ерөнхийлөгчийн зарлигаар Хөдөлмөрийн гавьяаны улаан тугийн одонгоор шагнагдаж, төрийн дээд шагналаа хүндэтгэлтэйгээр гардан авлаа.

Энэхүү эрхэм хүндэт шагнал нь үе үеийн уурхайчид, инженер техникийн ажилтнууд, ахмад буурлууд, нийт хамт олны хичээл зүтгэл, хөдөлмөрийн үр шим, эх орныхоо хөгжил дэвшил, уул уурхайн салбарын хөгжилд оруулсан үнэтэй хувь нэмрийг Монголын төр өндрөөр үнэлсний баталгаа юм. Нэгэн жарны түүхээ хөдөлмөр, бүтээлээр бичиж ирсэн үе үеийн тавантолгойчууддаа чин сэтгэлийн талархал илэрхийлж, энэхүү эрхэм хүндэт шагналын баярыг хамтдаа хуваалцаж байна.