“НҮБ-ын Цөлжилттэй тэмцэх тухай конвенцын Талуудын 17 дугаар бага хурал (UNCCD COP17)” энэ сарын 17-28-ны өдрүүдэд Улаанбаатар хотод болно. Хурлын үеэр зарим авто зам, зогсоолд түр зохицуулалт хийнэ гэдгийг албаныхан мэдээллээ.
Тодруулбал, нарны зам Өгөөмөр захын зүүн урд уулзвараас Нарантуул захын баруун урд уулзвар, Дүнжингарав худалдааны төвийн баруун урд уулзвар, Зүүн жанжны уулзвар хүртэлх авто замын зорчих хэсгийн хөдөлгөөнийг наймдугаар сарын 17-28-ны өдрийг дуустал өглөөний 07:00 цагаас оройн 21:00 цаг хүртэл хязгаарлана.