Цагдаагийн байгууллагаас цаг үеийн нөхцөл байдал, цахим орчинд нийтлэгдээд буй мэдээллүүд, мөнгөн хөрөнгийн талаар мэлээлэл хийлээ.

Мөрдөн шалгах албаны дарга, цагдаагийн хурандаа Н.Мишигдорж: "Улсын хэмжээнд энэ оны 10-р сарын байдлаар 54 мянган гаруй гэмт хэрэг бүртгэгдсэн, үүнээс 15 мянга гаруй нь залилах гэмт хэрэг. Өөрөөр хэлбэл, 3 хэрэг тутмын 1 нь залилах гэмт хэрэг байна. Одоогийн байдлаар 15 мянга гаруй гэмт хэргийн 8164 хэргийг илрүүлсэн. Илрүүлэлт 53.7 хувьтай байгаа. Гэмт хэргийн улмаас 531.9 тэрбум төгрөгийн хохирол учирсны 218.7 тэрбум төгрөгийн хохирлыг нөхөн төлүүлсэн. 10.5 тэрбум төгрөгийн нуугдмал хөрөнгийг илрүүлсэн. 

Бараа үйлчилгээ захиалгаар 3798 залилангийн хэрэг бүртгэгдсэн. Телаграмаар даалгавар өгөх, ажил сургуульд оруулна, валют арилжаа, хандив тусламж нэрийдлээр, тээврийн хэрэгслийн сэлбэг худалдаа, зээл чөлөөлнө, бусдын цахим хаягаар нэвтэрч мөнгө зээлэх гэх мэт аргаар бусдыг залилж байна" гэв.