Ерөнхий боловсролын сургуулийн багш нар өнөөдөр өлсгөлөн зарлаж эхэллээ.  Багш нар өнгөрсөн сарын хугацаанд нийслэлийн Засаг даргын Тамгын газрын үүдэнд "Буянт Ухаа-2" 972 айлын түрээсийн орон сууцнаас багш нарт 200 квот өгөхийн шаардсан билээ.  Гэвч НОСК-иас ямар нэгэн хариу өнөөдрийг хүртэл ирүүлээгүй тул ийнхүү өнөөдөр өглөөнөөс эхлэн өлсгөлөн зарлаж эхэлжээ. Одоогоор 20 гаруй багш өлсгөлөн зарлаж байгаа бол цаашид 500 гаруй багш нэгдэхээ мэдэгдсэн гэнэ.  Өнөөдөр буюу 48 цагийн дотор ямар нэгэн тайлбар мэдээлэл болон шаардлагын хариу өгөхгүй бол өлсгөлөнгөө үргэлжлүүлнэ гэв.