УИХ дахь МАН-ын бүлэг өнөөдөр тав дахь өдрөө хуралдаж байна. Тус бүлэг дөрвөн өдөр хуралдаж, Ерөнхийлөгчтэй зөвшилцөх эцсийн санал хураалтыг цаасаар буюу нууц санал хураалтаар авахаар болсон. Тодруулбал, тус намын бүлэг өчигдөр үдээс хойш 15.00 цагт хуралдаж, намын 40 гишүүн цаасаар саналаа хураагаад тарсан. Тус намын бүлгийн хуралдаанд Ерөнхийлөгч өөрийн биеэр оролцож, зөвшилцөх ажлын хэсэгтэй хэд хэдэн уулзалт хийсэн ч МАН-ын бүлэг Ерөнхийлөгчөөс ирүүлсэн саналууд дээр байр сууриа нэгтгэж чадахгүй байгаа юм. Ялангуяа УИХ-ын гишүүдийн тоог 108 болгох, сонгуулийн тогтолцоог холимог болгох, парламентын хугацааг таван жил болгох зэрэг асуудлаар санал нэгдэж чадаагүй учир эдгээр асуудлуудаар цаасаар санал авчээ. Бүлгийн хурал 11 цагаас уг саналаа нэгтгэнэ.