ЭМЯ-наас коронавирусний талаарх ээлжит мэдээллээ хийж байна. ХӨСҮТ-ийн Тандалт судалгааны албаны дарга А.Амбасэлмаа " Нэгдүгээр сарын 21-нд нийт 15546 сорьцод шинжилгээ хийхэд 8 хүнээс Сovid-19 илэрлээ. Найман хүний батлагдсан тохиолдлоос ХӨСҮТ-ийн нэг эмч, бусад нь батлагдсан тохиолдлын ойрын хавьтлууд байна. Улаанбаатарт сүүлийн 24 цагт 8 хүнээс илэрсэн. Улсын хэмжээнд халдварын батлагдсан тохиолдол 1584 болсон бол үүнээс 1097 хүн эдгэрсэн байна. Эмчлэгдэж байгаа 483 хүний биеийн байдлыг үнэлбэл, маш хүнд хоёр, хүнд долоо, хүндэвтэр 61, хөнгөн 413 эмчлүүлж байна" гэв.