Маргаашнаас эхлэн тээврийн хэрэгслийг тэгш, сондгойгоор хязгаарлаж, 06:00-22:00 цагт замын хөдөлгөөнд оролцуулна

Админ
2021/05/07

Засгийн газрын тогтоол, УОК-ын даргын тушаал, УОК-ын 17 дугаар хуралдааны тэмдэглэлийг үндэслэн Нийслэлийн Засаг дарга захирамж гаргалаа. Захирамжаар нийслэлийн хэмжээнд дархлаажуулалтын үйл ажиллагааг эрчимжүүлж, төрийн байгууллага, хуулийн этгээдийг ажилтан, албан хаагчдаа дархлаажуулалтад бүрэн хамруулж, хуульд заасан үүргээ хэрэгжүүлсэн эсэхэд хяналт тавихыг холбогдох албан тушаалтнуудад үүрэг болгосон.  Мөн гэрийн тусгаарлалтад байгаа иргэдийг бүртгэх, хяналт тавих, халдвараас урьдчилан сэргийлэх зөвлөмж, зөвлөгөөг иргэн бүрд хүргэж, шаардлагатай эмнэлгийн тусламж үйлчилгээг шуурхай зохион байгуулна.

Хязгаарлалт тогтоогоогүй худалдаа, үйлчилгээний байгууллагын үйл ажиллагаа явуулах цагийн хязгаарыг 07:00-20:00 цаг хүртэлх хугацаагаар тогтоов.Үйл ажиллагааг нь хязгаарлахгүй төрийн байгууллага, хүн, хуулийн этгээдийн ажилтан, албан хаагчдын хувийн болон албаны тээврийн хэрэгслийг улсын дугаарын сүүлийн орон тэгш, сондгой тоогоор төгссөнөөр хуанлийн өдрөөр  (хүнс, эмнэлгийн тусламж үйлчилгээ, буяны үйлчилгээ, инженерийн байгууламж хот нийтийн аж ахуйн ажил, хэвлэл мэдээлэл, тусгай зориулалтын техник хэрэгслээс бусад) 06:00-22:00 цагт замын хөдөлгөөнд оролцуулах юм. 

Тодруулбал, тавдугаар сарын 8-нд тэгш дугаараар, 9-нд сондгой дугаараар төгссөн тээврийн хэрэгсэлтэй хөдөлгөөнд оролцоно. Нийтийн тээврийн үйлчилгээг тусгай горимд шилжүүлж, зорчигчдыг халдвар хамгааллын дэглэм мөрдүүлэн зорчуулж, хяналт тавьж ажиллана.Мөн халдварын тохиолдол нэмэгдэж, халдвар тархах эрсдэлтэй хуулийн этгээдийн салбар чиглэлийн үйл ажиллагаанд тавих хяналтыг сайжруулж, шаардлагатай тохиолдолд хэсэгчилсэн хязгаарлалтыг түр хугацаагаар хийж, зохих арга хэмжээг авч хэрэгжүүлэхээр боллоо. Нийслэлийн бүх шатны сонгуулийн байгууллагын сонгууль зохион байгуулах бэлтгэл ажлыг хангуулах, сонгуулийн тухай хууль тогтоомжийг хэрэгжүүлэх, халдвар хамгаалал, хорио цээр, хязгаарлалтын дэглэмийг мөрдүүлэхэд дэмжлэг үзүүлж ажиллана.

Багахангай, Багануур, Налайх дүүрэг болон Сонгинохайрхан дүүргийн 21, 32 дугаар хороо, Хан-Уул дүүргийн 12, 13, 14 дүгээр хорооны иргэд зайлшгүй шаардлагатай үед иргэний үнэмлэхийн хаягаар, үйл ажиллагаа явуулдаг аж ахуйн нэгж, байгууллагын ажилтан, албан хаагчдыг ажлын газрын үнэмлэх, байгууллагын гэрчилгээ, нотлох баримтыг үндэслэн нийслэлийн авто тээврийн шалган нэвтрүүлэх товчоодоор нэвтрүүлнэ. 

Нийслэлийн авто тээврийн шалган нэвтрүүлэх товчоодоор хүндэтгэн үзэх шалтгаан (эрүүл мэнд, буяны ажил)-тай болон орон нутагтаа буцаж байгаа иргэн, зайлшгүй шаардлагатай ачаа тээвэрлэгчид (хүнс, шатахуун, эм, эмнэлгийн хэрэгсэл, уул уурхай, газар тариалан, зам, барилга бүтээн байгуулалт)-ийг “Хот болон орон нутаг хооронд зорчих иргэдийн хөдөлгөөнийг зохицуулах түр журам”-ын дагуу нэвтрүүлж, маршрутын бус замын хөдөлгөөнд хатуу хяналт тавьж ажиллах юм.

Түүнчлэн байгууллагын дотоод хяналт, шалгалтын үйл ажиллагааг идэвхжүүлж, халдвар хамгааллын дэглэмийг мөрдөн, ажилтан, албан хаагчдаа “Ковид-19” халдварын эсрэг дархлаажуулалтын бүрэн тунд хамруулж, дархлаажуулалтад хамрагдсан болон өвчилж эдгэсэн хүний эмнэлгийн байгууллагын магадалгааг үндэслэн ажиллуулахыг ажил олгогч иргэн, төрийн байгууллага, хуулийн этгээдийн удирдлагуудад үүрэг болголоо.

 “Коронавируст халдвар (Ковид-19)-аас сэргийлэх арга хэмжээг зохион байгуулах түр журам”-д заасан шаардлагыг хангасан зах, худалдааны төвүүдийн үйл ажиллагааг үе шаттайгаар ажиллуулах зохион байгуулалтын арга хэмжээ авч, хяналт тавьж ажиллана. Халдварын тархалт буураагүй, эрсдэлтэй нөхцөл байдал бүрэн арилаагүй байгаатай холбогдуулан зорилтот бүлгийн болон архаг хууч өвчтэй иргэд шаардлагатайгаас бусад тохиолдолд гэрээс гарахгүй, бага насны хүүхдийг олон нийтийн газраар дагуулж явахгүй, зайлшгүй тохиолдолд асран хамгаалагч, харгалзан дэмжигчийн хамт явах, өөрийгөө болон бусдыг эрсдэлд оруулахгүй, халдвар хамгааллын дэглэмийг сахихыг иргэдэд зөвлөсүгэй.

 

ХЯЗГААРЛАХ ҮЙЛ АЖИЛЛАГААНЫ ЖАГСААЛТ

ТӨРИЙН БАЙГУУЛЛАГА, ХУУЛИЙН ЭТГЭЭД

   1

Хууль тогтоох, төрийн захиргааны байгууллага, төрийн болон нутгийн өөрөө удирдах байгууллага шүүх, прокурор (нийт ажилтан, албан хаагчийн 30 хувь хүртэл хувь ажиллах, цагийн хязгаар тогтоох), иргэдэд үйлчилгээ үзүүлдэг нэг цэгийн  үйлчилгээний төв, Сонгуулийн бүх шатны үйл ажиллагаа  хязгаарлалтад хамаарахгүй

    2

Жагсаал, цуглаан, уралдаан тэмцээн

    3

Бүх төрлийн баяр ёслол, тэмдэглэлт ойн арга хэмжээ, аялал зугаалга, хурим найр, цайллага, хүлээн авалт

   4

Бүх төрлийн баар

   5

Хоол үйлдвэрлэл үйлчилгээний газар (Ресторан, кафе, сүлжээ хоолны газар, түргэн хоолны газар, кофе шоп, цайны газар, буфет, явуулын үйлчилгээтэй хоолны газар) нь үйлчилгээний танхим болон гадна талбайд үйлчилгээ явуулахыг хязгаарлах, захиалгат болон хүргэлтийн хоолны үйлчилгээг зөвшөөрнө

   6

Өргөтгөсөн болон үзэсгэлэн худалдаа

   7

Хүнснээс бусад барааны зах, худалдааны төв, их дэлгүүр, агуулах худалдаа,  хайпермаркет (Улсын Онцгой комиссын даргын 2021 оны 41 дүгээр тушаалаар баталсан “Коронавируст халдвар (Ковид-19)-аас сэргийлэх арга хэмжээг зохион байгуулах түр журам”, тусгай нөхцөл шаардлага, бэлтгэл ажлыг хангасан нөхцөлд үйл ажиллагааг үе шаттай нээж  явуулахыг зөвшөөрнө.)

   8

Цахим ба автомат тоглоомын газар болон бүх төрлийн тоглоомын төв

   9

Сургалтын төв

   10

Соёл урлагийн арга хэмжээ, үзвэр үйлчилгээ

   11

Алжаал тайлах төв

   12

Чийрэгжүүлэх, бялдаржуулах төв

   13

Саун, бассейн

   14

Зочид буудал, дэн буудал

   15

Амралт, жуулчны газар

   16

Шашны зан үйл, сүм, хийд, мөргөлийн газрууд

   17

Олимп, тив, дэлхий, олон улсын тэмцээний бэлтгэлээс бусад биеийн тамир, спортын арга хэмжээ

   18

Хүүхдийн тоглоомын болон сагс, хөл бөмбөгийн талбай

   19

Нийтийн бүжиг, бүжгийн клуб

ХҮН

1

Жагсаал, цуглаан, уралдаан тэмцээн, үзвэр үйлчилгээ

2

Хурим найр, цайллага, хүлээн авалт

3

Агаар салхинд гарах – (Зөвхөн гэр бүлийн гишүүдийн хүрээнд зөвшөөрөх)

4

Цахилгаан шатанд 3-аас илүү хүн суух

5

Айлд зочлохгүй, зочин урихгүй

6

Оршуулгын ажилд оролцох (автомашин 8, иргэн 20-оос дээш  хязгаарлах)

7

Хуулийн этгээдийн хязгаарлах үйл ажиллагаа / 5, 6, 7, 8, 9, 10, 11, 12, 13, 14, 15, 16, 17,18, 19/-нд заасан хүний үйл ажиллагаа хамаарна.


Сэтгэгдэл (12)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 66.181.161.103
    2021/05/09

    Короноогоо аригачихаад тэгш сондгой яривалч яахуу гэхсэн автобусанд хамгийн их эрсдэл өндөр байншдээ малнуудаа

    Хариулах
  • 66.181.161.40
    2021/05/08

    ерөөсөө явж болохгүй юм уу. эсвэл офицэрээс саппоро хүртэл үү

    Хариулах
  • 49.0.135.174
    2021/05/08

    машин л хориод байх юм. Автобусаар явж эрсдэлд ормооргүй байхын

    Хариулах
  • 202.179.25.74
    2021/05/08

    Үүнийг үргэлжлүүлээд 8 сарын 15 наас сургууль эхэлбэл Европын орнуудын жишгээр өглөө 7-9, орой 17-19 цагийн хооронд бүх замын 1-р эгнээг зөвхөн дугуйтай, нийтийн тээвэр явдагаар зохицуулах хэрэгтэй.

    Хариулах
  • 202.179.25.74
    2021/05/08

    Юм болгонд ард түмний нэрийг барьдаг болжээ энэ бол эмэгнэл. Их хурлын гишүүд нь ч ард түмэн, энгийн иргэн ч ард түмэн гэж цээжээ дэлдэх болжээ тэгсэн мөртлөө ард түмний төлөө юу ч хийдэггүй хуулийг гууль болгодог ийм л болчихоод байна даа. Төр засаг гаргасан шийдвэрээ тууштай хэрэгжүүлж биелэгдээгүй нэгж өолгонд хариуцлага тооцож ажилдаг байх хэрэгтэй. Тэгш сондгойгоор явуулахыг аль эрт эрлэх байсан оройтож л эхэлж байна зөв шийдвэр шүү!!!!!!!

    Хариулах
  • 202.179.25.74
    2021/05/08

    Зөвөө тэгш сондгойгоор нь байнга явуулах хэрэгтэй түгжрэл багасана, агаар цэвэршинэ, та ажилдаа өглөө 8 уагаас өмнө ирээд орой 20 цагт өөрийнхөө машинаар явж болно. Харин халтуурчид л эсэргүүцэж байх шиг бна ажилд ороо залуучуудаа ажлын байр их байгаа шүү. Энэ бол маш зөв дугуй уна явган алх та урт наслана

    Хариулах
  • 103.140.11.238
    2021/05/07

    Сонгуульд мөн та нарт өгнө дөө

    Хариулах
  • 64.119.16.42
    2021/05/07

    Тэнэгтээд байгаарай, тэр автобусаар чинь явахгүй, 2 тунгаа хийлгэсэн, хувийн машинаараа зорчино. Алалцаад явна шүү. Тэнэг2 шийдвэр гаргаж, ард түмнээ дарамтлахаа боль. Давраад байгаарай, харин ч ингээд байвал хуйгаар чинь унагахын төлөө тэмцэнэ шүү

    Хариулах
    • 202.126.90.138
      2021/05/08

      Harin tn liptens 3s deesh hvn suuj bolku tegsnee awtobusand chihej bolno vnende maniusiig daramtalj hanakunma

  • 192.82.75.189
    2021/05/07

    ёстой сумтай новш байна ш дээ арай л дарамт уу

    Хариулах
  • 150.129.143.122
    2021/05/07

    Машинаа зүгээр явуул, коронатайгаа л тэмц түгжрэлтэй тэмцээд үр дүн гарахгүй юун тэгш сондгой балайраад бай

    Хариулах
  • 202.126.88.181
    2021/05/07

    UOk zail

    Хариулах