Өмнөд Солонгосын парламент "Ерөнхийлөгч төрийн эсрэг бослого гаргасан" хэргийг мөрдөн шалгах байнгын тусгай зөвлөх томилох тухай хуулийг баталлаа. Ерөнхийлөгч Yoon Suk Yeol нь цэргийн онцгой байдал зарлаж төрийн эрхийг армийн гарт өгөх оролдлого хийсэн тул нэн даруй баривчлахыг уг тогтоолд шаарджээ. Парламентын гишүүдийн 210-63 саналаар (14 түдгэлзсэн) батлагдсан уг хуульд Ерөнхийлөгч хориг тавих эрхгүй байхаар заасан. Уг тогтоолын баривчлах жагсаалтад Ерөнхийлөгч Yoon Suk Yeol, Батлан хамгаалахын сайд асан Kim Yong-hyun, армийн штабын дарга Park An-su, Ерөнхий сайд Han Duck-soo, Сөрөх тагнуулын командлагч Yeo In-hyung зэрэг 7 хүний нэр багтсан байна. Үндэсний ассамблейн баталсан хуулийг Сөүл хотын шүүх, прокурор хэрэгжүүлж чадахгүй бол асуудал Үндсэн хуулийн цэцэд шилжинэ. Ерөнхийлөгчийг өөрийг нь байлцуулахгүйгээр баривчлах захирамж гаргах эрх гагцхүү энэ байгууллагад бий юм.