Шуурхай дуудлага хүлээн авах тусгай дугаарын утсанд энэ оны 03 дугаар сарын 24-ний өдрийн 14:39 минутад “Машин шатаж байна” гэх дуудлага мэдээлэл ирснийг шалгахад Сонгинохайрхан дүүргийн 32 хороо Авто худалдааны төв орох замд өвс ачиж явсан Ниссан кондор маркийн тээврийн хэрэгсэлд урьдчилсан байдлаар цахилгааны масс гарсны улмаас тээвэрлэж явсан өвс шатсаныг Гал унтраах 26-р анги 3 тээврийн хэрэгсэл 11 хүний бүрэлдэхүүнтэй ажиллаж унтраасан байна. Тухайн хэргийн улмаас хүн бэртэж гэмтээгүй, өөр бусад тээврийн хэрэгсэл шатаагүй байна.