Интерполын “Улаан булант” зар мэдээгээр эрэн сурвалжлагдаж байсан этгээдийг Монголд авчирч, мөрдөн шалгах ажиллагаа явуулж байна. Тодруулбал, 2021 онд насанд хүрээгүй хүүхдийг хүчиндсэн хэрэгт шалгагдаж байхдаа оргон зайлсан “Н” гэх этгээдийг Бүгд Найрамдах Аргентин Улсаас авчирчээ. Уг этгээдийг 2024 оны 12 дугаар сарын 25-ны өдөр Монгол Улсын Интерполын Үндэсний төв товчооноос Аргентин Улсын Интерполын Үндэсний төв товчоотой хамтран хэрэгжүүлсэн тусгай ажиллагааны дүнд байршлыг нь илрүүлсэн байна.