Баянгол дүүрэгт эмэгтэй хүн өндрөөс унаж амиа алджээ
Сэтгүүлч
Өчигдөр 08 цаг 12 минут
Өчигдөр буюу 2025 оны 6-р сарын 9-ний шөнө Баянгол дүүргийн 26 дугаар хорооны Нарны хорооллын нэгэн байрнаас эмэгтэй хүн өндрөөс унаж амиа алдсан харамсалтай хэрэг гарлаа.
Цагдаагийн байгууллагад “Өндрөөс хүн уначихлаа” гэсэн дуудлага шөнийн 00:00 цагийн орчимд ирсэн бөгөөд дуудлагын дагуу очсон цагдаагийн алба хаагчид тухайн эмэгтэй амь насаа алдсан болохыг газар дээр нь тогтоожээ.
Урьдчилсан байдлаар талийгаач эмэгтэй нь амиа хорлосон байж болзошгүй хэмээн үзэж байгаа бөгөөд хэргийн мөрдөн шалгах ажиллагаа одоогоор Баянгол дүүргийн Цагдаагийн газарт үргэлжилж байна. Эх сурвалжуудын мэдээлснээр, уг үйл явдал нь гэр бүлийн таарамжгүй харилцаанаас үүдэлтэй байж болзошгүй ажээ.
Нийгмийн түвшинд анхаарал татах үзүүлэлтүүд:
- ДЭМБ-ын 2023 оны тайлангаас үзвэл дэлхий дахинд жил бүр ойролцоогоор 700,000 хүн амиа хорлодог бөгөөд энэ нь 15–29 насны залуусын нас баралтын хоёр дахь гол шалтгаан болж байна.
- Монгол Улсад 100,000 хүн тутамд дунджаар 17–20 хүн амиа хорлодог нь дэлхийн дунджаас өндөр үзүүлэлт юм.
- Хүний эрхийн үндэсний комиссын 2022 оны тайлан: Өсвөр насныхны амиа хорлолт нэмэгдэж байгаа бөгөөд гэр бүл, сургуулийн орчны дарамт, хүчирхийлэл үүнд нөлөөлж байгааг онцолсон.
- 2025 оны эхний дөрвөн сарын байдлаар Монгол Улсад нийт 73 хүн амиа хорлосон байна. Үүнд:
- 1-р сард: 17 хүн
- 2-р сард: 18 хүн
- 3-р сард: 15 хүн
- 4-р сард: 23 хүн
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна