МАН-ын Удирдах зөвлөл Д.Сарангэрэлийг НАМЭХ-ны ерөнхийлөгчид нэр дэвшүүлэхээр тохиролцсон уу
МАН-ын эмэгтэйчүүдийн байгууллага болох НАМЭХ-ны шинэ ерөнхийлөгч өнөөдөр тодорно. Тус намын Удирдах зөвлөл өчигдөр хуралдаж, НАМЭХ-ны ерөнхийлөгчид нэр дэвшигчийг тодруулжээ. Эх сурвалжийн мэдээлж байгаагаар УИХ-ын гишүүн, Эрүүл мэндийн сайд Д.Сарангэрэлийг НАМЭХ-ны ерөнхийлөгчид нэр дэвшүүлэхээр тохиролцсон гэх мэдээлэл байна.
НАМЭХ-ны Ерөнхийлөгчид Сангийн дэд сайд Х.Булгантуяа НАМЭХ-ны ерөнхийлөгчид албан ёсоор нэр дэвших хүсэлтээ өгсөн. Гэвч намын удирдлага шийдвэрээ гаргасан учраас түүнийг заалнаас нэр дэвшихээр яригдаж байна.
Түүнчлэн НАМЭХ-ны Ерөнхийлөгчийн төлөөх өрсөлдөөнд Эрүүл мэндийн сайд Д.Сарангэрэл, дэд сайд Х.Булгантуяагаас гадна УИХ-ын гишүүн Ц.Гарамжав, УИХ-ын гишүүн М.Оюунчимэг, Эрүүл мэндийн дэд сайд асан Ж.Цолмон, “Сөүл” группийн ерөнхийлөгч Д.Өнөрболор нар заалнаас нэрээ дэвшүүлж магадгүй байна.
Сэтгэгдэл (0)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сэтгэгдэл бичигдээгүй байна