С.ЭРДЭНЭБАТ: 16 мянган хүн хуурамч бичиг баримт ашиглан тэтгэврээ өндрөөр тогтоолгосон нь илэрсэн
#ШУУД: ТӨРИЙН АЛБАН ХААГЧДЫН ЦАЛИНГИЙН НЭМЭГДЭЛ ЯЛГАВАРТАЙ БАЙГАА АСУУДЛААР МҮЭХ-ООС МЭДЭЭЛЭЛ ХИЙЖ БАЙНА…
С.ЭРДЭНЭБАТ:
- Хүнсний бүтээгдэхүүн, барилгын материал, шатахууны үнэ хоёр дахин өслөө. Зах зээлийнхээ жамаар яваг гэж тавих тусам ард түмэн халааснаасаа гаргасаар байна. Тиймээс Засгийн газар үнийн хөөрөгдөлт дээр арга хэмжээ авах шаардлагатай байна.
- Нийгмийн даатгалын багц хууль намрын чуулганаар орно. Үр өгөөжийг нь сайжруулъя гэж байгаа бол өвлүүлэх асуудлыг нь хөндөх хэрэгтэй. Нийт эрчүүдийн 50 хувь нь 16-50 насандаа нас барж байна. Өөрөөр хэлбэл тэтгэвэрт гарч чадахгүй байгаа эрчүүдийн их байна. Гэтэл хууль дээр ар гэрт нь 20 хувийг нь олгоно л заасан байна.
- Хөдөлмөрийн хүнд нөхцөлийг 2025 оноос байхгүй болгож байна. Цаад санаа нь эрт тэтгэвэрт гаргадаг явдлыг үгүй болгоно гэсэн үг. Хамгийн баялаг бүтээдэг, нийгмийн даатгал өндрөөр төлдөг уул уурхайчид яах вэ. ҮЭ-ийн зүгээс энэ заалтыг эсэргүүцнэ. Орон даяар тэмцлийн арга хэмжээ авна.
- Тэтгэврийн насыг 2030 оноос 65 болгоно гэж байна. 65 наснаас тэтгэвэрт гаргадаг улсууд бий. Япон болон Европын цөөнгүй улс энэ насанд тэтгэвэрт гаргадаг. Тэдгээр улсуудын хүн амын дундаж наслалт нь 85. Гэтэл манай улсын дундаж наслалт 72. Даруй 10 гаруй насаар бага байгаа үед үүнийг заавал бодолцох хэрэгтэй.
- Өндөр насны тэтгэвэр тогтоолгоход дараалсан 7 жил л тасраагүй байх ёстой гэдэг заалт бий. Үүнийг 5 жил болгох талаар ярьдаг. Жил бүр 3000 хүн сүүлийн 5 жилийн хугацаанд өндөр төлөөд өндөр тэтгэвэр авч байна. Маш багыг төлөөд том шанагаар хутгаж авдаг энэ хуулийн цоорхойгоо нөхмөөр байна.
- Эдийн засгийн ил тод байдлын тухай хууль 2012 онд баталсан. Энэ хуулийн үйлчлэлийн хүрээнд 16 мянган хүн тэтгэврээ хуурамчаар өндрөөр тогтоолгосон байдаг. Нийгмийн даатгалын сангаас 96 тэрбум төгрөг дахин алга болсон байна. Цаашдаа бие даасан хараат бус байдлыг хангахгүй бол улстөрчид энэ мэтээр эрсдэлд оруулсаар байх нь.
- Бага дунд орлоготой залуу гэр бүл орон сууц авах нь үнэхээр хүнд, бэрхшээлтэй болсон. Хотын төвийн байрууд метр квадрат нь 5-6 сая, хотоос зайдуу нь 2-3 сая төгрөг байна.
- Хөдөлмөрийн хөлсний доод хэмжээг нэмэх цаг болсон. Цагийн хөлс 1 ам.доллар байна. Үүнийг жил бүр нэмж 1,5 ам. доллар гэх мэтээр өсгөх саналыг бид тавьж байсан. БНСУ-ын хөдөлмөрийн хөлсний доод хэмжээ цагт 7 ам.доллар байдаг.
- Гурван ам бүлтэй айл сард 1,6 сая төгрөгтэй байснаар наад захын хүнсний хэрэгцээгээ хангана. Гэтэл хөдөлмөрийн хөлсний доод хэмжээ 550 мянган төгрөг байгаа нь өөрөөсөө гадна үр хүүхдээ ч тэжээх боломжгүй мөнгөн дүн. Нэг хүн багадаа 620 мянган төгрөгтэй байж л өөрийн хэрэглээг арай ядан хангана.
Сэтгэгдэл (6)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.22.152
Худалч хуурамчийг нь мэдсэн юм бол хариуцлага хүлээлгэж цуцлах хэржгтэйшдээ УИХ-н гишүүн БЯМБАЦОГТ гэдэг хүн ч их нүгэл хийсэн хүн юм шиг байналээ тэгээд дандаа уснаас хуурай гараад сурчихсан ичих нүүргүй амьтан юм шиг байналээ яанаа ичиж амьдраасай ёоёо
Хариулах66.181.161.1
УИХ ЫН гишүүн Бямбацогтын ээжийг маш өндөр тэтгэвэр авдаг гэсэн. Сүүлийн таван жилд маш өндөр ниыгмийн даатгал төлж, дунджаар нь бодсон гэсэн.Энэ мэт хуулийн цоорхойг сайн ашигласан нь сайн зальтай хүүгийн нь буян.Одоо яая гэхэв.Улсад ажиллаагүй мөртлөө 500,000 дэээш тэтгэвэр авдаг атаманууд байдаг гээд ярицгаах юм билээ....
Хариулах192.82.90.162
Хөдөлмөрийн хүнд нөхцөлийг байхгүй болгоно гэсэн чинь юу гэсэн үг вэ.Санл оруулаад байгаа хүмүүсийг хзнд нөхцөлд ажиллуулаад үзээч
Хариулах192.82.69.118
Zasah nn suvl duu. Gehdee 5 bish 7 bolgovol tetgevert garah buh hunii gar deer avah mungun dun bagasana. Hen ch hojihgui gesen ug.
Хариулах122.201.31.110
Улсад ажиллаагүй мөртлөө насаараа улсад хөдөлмөрлөж тэтгэвэрт гарсан хүмүүстэй адил тэтгэвэрээ тогтоолгож байгаа хүмүүс олон байна энэ шудрага гэж үү
Хариулах122.201.31.110
Энэ үнэн. Улсад Нийгмийн Даатгал огт төлж байгаагүй хүн бичиг баримт нь олдохгүй байна гээд хамт ажиллаж байсан гэх 2 найзаа дагуулж шүүх дээр очиод тэтгэвэрээ тогтоолгосон хүн байна. Тэрнээс гадна БАЙЦААГЧ нар хахуулв аваад өндөр тогтоож өгдөг шүү дээ.
Хариулах