Тэтгэврийн зээлгүй байсан ахмадуудад олгох 216.0 тэрбум төгрөг бэлэн болжээ

Б.Ариунзаяа
2021/05/07

Монгол Улсын Их Хурлаас 2020 оны нэгдүгээр сард “Иргэний тэтгэвэр барьцаалсан зээлийн төлбөрийг төрөөс нэг удаа төлөх тухай” болон уг хуулийг дагаж мөрдөх журмын тухай хуулийг баталсан билээ.

Уг хуулиудад 6.0 сая төгрөг хүртэлх тэтгэврийн зээлтэй ахмадуудын зээлийг бүрмөсөн тэглэх, зээлгүй байсан ахмадуудад 1.0 сая төгрөгийн ваучер олгож, 2021 оны тавдугаар сарын 21-нээс мөнгөжүүлэх, 1.0 саяас доош төгрөгийн зээлтэй байсан хүмүүст зөрүүг олгохоор тусгасан билээ.

УИХ-ын дарга Г.Занданшатар өнөөдөр (2021.05.07) Хөдөлмөр, нийгмийн хамгааллын сайд А.Ариунзаяа, Монголбанкны ерөнхийлөгч Б.Лхагвасүрэн, “Эрдэнэс Монгол” компанийн гүйцэтгэх захирал Д.Хаянхярваа, тус компанийн охин компани болох “Эрдэнэс силвер ресурс” ХХК-ийн гүйцэтгэх захирал Т.Мөнхбаяр нартай уулзаж, зээлгүй буюу 1.0 саяас доош төгрөгийн зээлтэй байсан ахмадуудад ваучер олгох, түүнийг мөнгөжүүлэх ажлын явцтай танилцлаа.

“Эрдэнэс Монгол”, “Эрдэнэс силвер ресурс” компаниуд Салхитын мөнгө, алтны ордыг эдийн засгийн эргэлтэд оруулсан орлогоос төрд ногдох өгөөжийг барьцаалан үнэт цаас гаргах замаар иргэний тэтгэвэр барьцаалсан зээлийг төлөх хуулиар хүлээсэн үүргээ амжилттай биелүүлж, дээрх арга хэмжээнд шаардагдах 216.0 тэрбум төгрөгийг хуримтлуулж, бэлэн болгосон гэдгээ Гүйцэтгэх захирал Д.Хаянхярваа, Т.Мөнхбаяр нар мэдээллээ.

Энэ үйл ажиллагааны төлбөр тооцооны асуудалд ямар нэгэн саад бэрхшээл байхгүй гэдгийг Монголбанкны ерөнхийлөгч Б.Лхагвасүрэн хэлж байна.

Хөдөлмөр, нийгмийн хамгааллын сайд А.Ариунзаяа:

-2019.12.31-ний өдрийг дуусталх хугацаанд тэтгэврийн зээлгүй байсан 194.1 мянган ахмад байгаа. Мөн 1.0 саяас доош төгрөгийн зээлтэй байсан 43.9 мянган иргэн бий. Нийтдээ энэ арга хэмжээнд 238.0 мянган ахмад хамрагдана. Түүнд 216.0 тэрбум төгрөг шаардлагатай. Манай яам ахмадуудад ваучер олгох, улмаар мөнгийг дансанд шилжүүлэх бэлтгэлийг хангасан гэж ярилаа.

УИХ-ын дарга Г.Занданшатар:

-Тэтгэврийн зээлгүй буюу 1.0 сая төгрөгөөс доош төгрөгийн зээлтэй байсан ахмадуудаас энэ арга хэмжээг хэзээ хэрэгжүүлж эхлэх талаар УИХ-ын нэр дээр нэлээд санал хүсэлт ирж байна. Цар тахлын хөл хорионы дэглэмтэй, улсын эдийн засаг, иргэдийн амьжиргаанд таагүй нөлөө үзүүлж буй энэ үед уг мөнгийг олгох нь зүйтэй байна гэж ахмуудад санал хүсэлтдээ дурдаж байгаа юм. Тиймээс ваучер олгож, мөнгөжүүлэх ажлыг ирэх даваа гарагаас эхлэн яаралтай зохион байгуулах чиглэлийг Та бүхэнд өгч байна. Ваучер олгохдоо ахмадуудыг бөөгнөрүүлж, хөл хорионы дэглэмийг зөрчихгүйгээр гэрт нь, гарт нь хүргэхэд анхаарч ажиллаарай гэлээ.

Ийнхүү иргэний тэтгэвэр барьцаалсан зээлийг нэг удаа нөхөн төлөх тухай хууль бүрэн хэрэгжих боломж бүрдлээ. Үүнээс өмнө 6.0 сая хүртэл төгрөгийн зээлтэй байсан 228.5 мянган иргэний 695.0 тэрбум төгрөгийн зээлийг тэглэсэн бол одоо 238.0 мянган иргэнд 216.0 тэрбум төгрөг олгогдохоор болж байна. Нийтдээ ахмадуудын тэтгэврийн зээлийг тэглэх арга хэмжээнд 466.5 мянган ахмад хамрагдаж, 911.0 тэрбум төгрөг зарцуулагдаж байгаа юм.


Сэтгэгдэл (18)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 66.181.161.6
    2021/05/10

    хэзээнээс өгөх юм бэ янз янз л яариад байхын

    Хариулах
  • 71.229.165.236
    2021/05/10

    МАН-ын шалгарсан арга даа хөөрхий, сонгуулийн өмнө ахмадуудыг маань бас л хэдэн цаасаар хулалдаж авах нь дээ

    Хариулах
  • 202.126.90.135
    2021/05/09

    ГРУППД байдаг зээл 2019оны 3-н сараас хойш аваагүй :;:/ 2019оны 12-рсараас ӨМНӨ гэж бичсэн байна БИ ЭНЭ САЯ ТӨГРӨГТ ХАМРАГДАХ ЮМ БАЙНА !

    Хариулах
  • 150.129.140.10
    2021/05/08

    yu soliorood hutsaad bgaa har malnuud ve? Ta nar yrunhiilugchiin songuulid ylj idj uuh hugatsaaga l nemhee bodj bna uu? vaccine awh tusuw ene jiliin tusuwt sugaagui gj hutsh hernee ahmaduudad mugnu ugnu geh!!!! Olon jijig aan, dungj hul dre bosoj gaa business-uud dampuurj, ta nariig tejeej bui ard irged tuildaa hurj bn... ur huuhdin min ireedig buleej idheesee icheech gulugnuudee!!! 25-40nasnii zaluuchud songuuli ughq bhiig urialj bn!!!

    Хариулах
  • 192.82.67.177
    2021/05/08

    Үр хүүхдийнхээ ирээдүйг булааж Хүрэлсүх Баттулга нарыг дэмжиж хэдэн цаас авахдаа Ахмадууд юу боддог вэ?

    Хариулах
    • 192.82.81.93
      2021/05/09

      АН-нхан л санаачилж элдвээр үймүүлсээр энэ.

  • 202.126.88.181
    2021/05/07

    Eh ornihoo arhinaas busad buteegdehuuniig avch boloh bol sain bna.Baycheriin hygatsaa zaah bolov u?

    Хариулах
  • 66.181.161.68
    2021/05/07

    Баярлаа энэ хэцүү үед хэрэгтэй л байна шүү

    Хариулах
  • 202.9.47.112
    2021/05/07

    ваучер хэрэггүй, мөнгөө л авая. Нэг саяын зээлтэй хүн зээлээ тэглүүлчихсэн, дээр нь зээл огт аваагүй хүнтэй адил бас нэг сая төгрөг авна, ингээд 2 саятай болох нь. Ингэж ахмадуудаа ялгаварлаж болох уу. Огт зээлгүйд нь өгсөн бол шударга байж дээ

    Хариулах
  • 150.129.140.41
    2021/05/07

    Тэжээгчээ алдсны тэтгэвэр үүнд хамрагдах уу? Өмнө нь зээлгүй байсан

    Хариулах
    • 202.9.40.186
      2021/05/09

      Harin uguh blgui de

    • 202.72.243.162
      2021/05/07

      уг нь тэжээгчээ алдсаны зээлийг тэглэж байсан шдээ

  • 66.181.161.52
    2021/05/07

    Наад ваучеры чинь яаж мөнгө болгож авах вэ 950000 авна гэсэн ченжүүд гараад ирэх юм биш биз .шууд мөнгий нь өгчихвөл дээрдээ

    Хариулах
  • 59.153.115.124
    2021/05/07

    Энэ тэтгэвэрт гарсан хүмүүс авах уу

    Хариулах
  • 202.126.88.59
    2021/05/07

    2019 онд 12 сард нас барсан ахмадуудын зээлийг хүүхдүүд нь тэглэсэн байхад эргэж олгохгүй байсан. Уг нь хууль нь тэгш үйлчлэх ёстой доо.

    Хариулах
  • 202.9.46.63
    2021/05/07

    Баярлалаа эх орны минь эцэг дээдсийн минь үлдээсэн өв хөрөнгө одоо л иргэддээ ирж байна. МАН ура

    Хариулах
  • 122.201.22.178
    2021/05/07

    ashguidee.aav maani tun gencod tun duramjhan bj bgaad burhanii orond yavsandaa.odoo eej maani gants saya togrog avahnee.genco ih muuhai yalgavarlasan.

    Хариулах
    • 202.126.88.181
      2021/05/07

      Avah ch saihan lbna.uls oron mini ortei gej bodohoor sanaa zovood bna.