ХӨСҮТ-ийн ерөнхий захирал Л.Баттөр мэдээлэл хийлээ.

- Хөл хорио тооцоолж байсан үр дүнд хүрч чадсангүй. Гэхдээ халдварын нөхцөл байдлын эрчим өмнөх долоо хоногуудаас буурч байгаа ч цар тахлын аюул холдоогүй байна. Хүүхдүүдэд халдвар авах эрсдэл өндөр хэвээр байна.

- Дархлаажуулалтын нэгдүгээр тундаа хамрагдсан иргэдийн 1 хувь болон давтан тундаа хамрагдсан иргэдээс халдвар авсан тохиолдол гарсаар байна.  Түүнчлэн манай улсад өвөрмөц мутацилагдсан генийн хэлбэр илэрч байна.  

Монгол эрдэмтэд Япон улсад тодорхой тооны сорьц дээр генийн дараалал тогтоох судалгаа хийхэд манай улсад тохиолдож буй өвөрмөц мутацилагдсан генийн хэлбэр илэрсэн.  Цааш нь нарийн судалж, сорьцын тоог нэмэгдүүлж, энэ нь өвчлөлийн хоруу чанар, хүндрэл тархалт нөлөөлж буй эсэхийг нарийвчлан тодорхойлох шаардлагатай байна. Зөөвөрлөгдсөн тохиолдлуудад мутацилагдсан хэлбэр орж ирсэн байхыг үгүйсгэхгүй гэлээ.