#ШУУД: УИХ-ын гишүүн Т.Доржханд нар түлшний асуудлаар ЗГ-т асуулга хүргүүлж байна.

УИХ-ын гишүүн Т.Доржханд: 

- Нийслэл Улаанбаатар хотоос УИХ-д сонгогдсон 22 гишүүн байдаг. Бүгд хөгжлийн талаар ярьдаг ч  өнөөдөр гэр хороолол галгүй байна.

- Засгийн газар шатахууны хомсдол болохыг мэдсээр байж зохицуулалт хийгээгүй. Шатахууны хомсдолд орж байсан нийслэлчүүд ердөө 7 хоногийн дараа дулаан, түлшний хомсдолд орчихлоо. 

- Ковидын хуулиар хангалттай эрх мэдлийг Засгийн газарт өгсөн. Одоо УИХ хянадаг, хариуцлага тооцдог эрхээ эдлэх ёстой. 

Инженер Золжаргал: 

- Түлш олон төрөл байдаг. Гэтэл манайхан нэг л төрлийн түлшийг механикаар шахаж байна. Үүнээс болж бусад төрлийн түлш үйлдвэрлэдэг байсан ААН-үүд бүгд дампуурчихлаа. Тиймээс төр бүгдийг өөр дээрээ төвлөрүүлээд байлгүй бусад ААН-үүдэд эрхийг нь олго. 

- Тавантолгой түлш компани төлөвлөсөн хүчин чадалдаа хүрч ажиллаж чадахгүй байна. Тоног төхөөрөмжүүд нь сайн уялдахгүй байна. Тиймээс хийж чаддаг хүмүүсийг нь ажиллуул. Мэргэжлийн компаниудад нь эрхийг нь олго. Стандартын суурь шаардлагаа хангасан бол элдэв зөвшөөрөл шаардалгүй түлш үйлдвэрлэх боломжийг нь олго. Бодлогын алдаанаас болж иргэд хохирох ёсгүй.

Б.Найдалаа: 

- Байдал хүнд байна. Иргэдийн ярьж байгаа ганц л зүйл байна. Энэ бол түлш. Иргэд хонон өнжин дугаарлаж байна. Хөл муутай настанд заавал өөрт нь өгнө гээд явуулж байна. Нялх биетэй эмэгтэйд карт чинь цэнэггүй байна гээд явуулж байна.

Төр иргэдийг хэдэн удаа гал түлэхийг нь тоолоод, хэмжээд, хязгаарлаад байна. Гэртээ хэдэн градусын дулаантай байхыг дарга шийдэх ёстой юм бэ, 

Зөвхөн ганц Тавантолгой түлш бус хувийн хэвшлийнхнийг энэ салбарт оруулж, боломжийг нь олго.