Ж.Ганнибал: Д.Ганбатыг үүрэгт ажлаас нь чөлөөлөх шийдвэр гаргасан

Б.Ариунзаяа
2021/10/18

#ШУУД: АН-ын хөөгдсөн гишүүд мэдээлэл хийж байна.

Ж.Ганнибал: 

- АН-ын бүлэг хуралдаж, хэд хэдэн шийдвэр гаргалаа. Тодруулбал УИХ дахь АН-ын бүлгийн дарга Д.Ганбатыг үүрэгт ажлаас нь чөлөөлөх шийдвэр гаргасан.  Үүрэгт ажлыг нь бүлгийн дэд дарга Ж.Ганнибалд үүрэг болгосон. 

- Манай бүлэгт албан ёсны 7 гишүүн болон УИХ-ын дарга Х.Алтанхуяг, С.Ганбаатар нар бүлгийн үйл ажиллагаанд оролцож байгаа. Энэ бол бидний нэгдсэн байр суурь. 

Ц.Туваан:

- Сүүлийн үед УИХ-ын АН-ын бүлгийн дарга гэх Д.Ганбат долоо хоног болгон хүн хөөдөг боллоо. 

- УИХ-ын гишүүд бол хуулиар олгогдсон бүрэн эрхтэй. Тухайлбал тухайн гишүүн өөрийн хүсэлтээ бүлгээс гарах хүсэлтээ илэрхийлсэн тохиолдолд л бүлгээс гарсанд тооцно.

- АН-д хууль шүүхийн маргаан бий. Шүүхийн шийдвэрийг өөрийн талд гарсан мэтээр мэдээлдэг хэсэг бүлэг буюу С.Эрдэнэ, Д.Ганбат нарын нөхөд байна. 

О.Цогтгэрэл: 

-  АН-ын гишүүдээс бүлгийн зохион байгуулалт болохгүй байна. Бүлгийн даргаа солиоч гэдэг асуудал бараг томилогдсон өдрөөс нь эхэлсэн. 

- Энэ бол АН-ын их хурал болох гэж байгаатай холбогдуулан хагалан бутаргах гэсэн гадна дотны гар хөлийн санаархал. 

- Бид Д.Ганбатыг АН-аас хөөгөөгүй. Харин албан тушаалаас нь буулгасан. 

- Д.Ганбат өрөвдөлтэй улс төр хийж байгаад харамсаж байна. Учир нь Засгийн газрыг огцруулах бичигт хэн гарын үсэг зурсан нь одоо хүртэл тодорхойгүй байна. 


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна