#Шууд Д.Мөнх-Эрдэнэ АТГ-т нэр бүхий албан тушаалтнуудыг шалгуулахаар өргөдөл өгч байна!

Д.Мөнх-Эрдэнэ: 

- Ерөнхийлөгч асан Х.Баттулга, Монголбанкны Ерөнхийлөгч Лхагвасүрэн, нийслэлийн Засаг дарга Д.Сумъяабазар болон Д.Дагвадорж нарыг албан тушаалын байдлаа урвуулан ашигласан гэмт үйлдлийг шалгуулахаар өргөдөл гаргаж байна. 

Х.Баттулга 2012 оноос эхлэн шалгуулж, шүүхэд шилжихэд бэлэн болоод байсан ч Ерөнхийлөгч болсных нь дараа түдгэлзээд байсан Тавантолгой-Гашуун сухайтын төмөр замын хэрэг буюу 250 сая ам.долларын хохиролтой эрүүгийн хэргийг сэргээн шалгуулна.  АТГ мөрдөөд хэргийг нь прокурор боогоод яллах дүгнэлт үйлдэхээр шүүхэд шилжүүлсэн байх үед Х.Баттулга Ерөнхийлөгч болчихсон.  Өөрөөр хэлбэл  хэрэг нь тусгаарлалтад байгаа. Х.Баттулга ерөнхийлөгч болоод энэ хэргээ хамгаалсан бол “уучлаарай” гэж хэлье. Монголын шүүхээр Х.Баттулга шалгуулсны дараа иргэд шалгуулаарай. 

Аж үйлдвэрийн парк, шинэ сум хөгжүүлэх нэрээр 80 тэрбум төгрөгийн хохирол үзүүлчихсэн байна. Түүнчлэн Тавантолгой-Зүүнбаянгийн чиглэлийн төмөр зам барих ажлыг төрийн нууцад хамааруулчихсан.  

 2021 оны хоёрдугаар сарын 12-ны өдөр Сэлэнгэ аймгийн Алтанбулагийн боомтоор ҮАБЗ-ийн шинжээч Жавзангийн Бямбацогт, ҮАБЗ-ийн ахлах референт Ганбатын Галбадрах, ҮАБЗ-ийн референт Батнасангийн Галданжамц нар 0536 УНҮ улсын дугаар бүхий Landcruiser-200 автомашинаар олон сая ам.доллар оруулж ирсэн. 

Х.Баттулга бол Монголын төмөр зам, дэд бүтцийг гацаасныхаа төлөө ОХУ-аас мөнгө авсан гэж хардаж байна. Энэ бол мөнгө угаах гэмт хэрэг.