#Шууд: Ардчилсан намаас сонгуулийн үйл явц, цаг үеийн асуудлаар мэдээлэл хийж байна…


Н.БАТХУЯГ: 

- Өнгөрсөн шөнө хоёр ноцтой үйл явдал болсон. Дорноговь аймагт мөнгө тараалаа хэмээн АН гомдол гаргасан ч цагдаагийн байгууллага маш удаашралтай шалгаж байна. Энэ хооронд АН-аас нэр дэвшигч Л.Мөнхбаясгалангийн байр, машинд гэнэт үзлэг, нэгжлэгийг хууль бусаар хийжээ. Учир нь үүний тулд СЕХ-ноос зөвшөөрөл авсан байх ёстой. Мөн өчигдөр СХД буюу 11-р тойрогт нар дэвшигчийн сонгуулийн менежер Даваажавын гэр, оффис, машинд хууль бусаар үзлэг хийсэн байна. 

- Чингэлтэй дүүрэгт МАН-аас нэр дэвшсэн Дашням сонгуулийн байрандаа өөрийн оруулж ирсэн скүүтэрүүдийг маш олноор байрлуулсан. Энэ нь сонгогчдын саналыг авах хууль бус үйлдэл. 

-  Өчигдөр зөөврийн хайрцгаар иргэдээс санал авсан.  Өвөрхангай аймгийн Арвайхээр сумын 10-р багт үнэгүй эд зүйл өгөх нэрийдлээр сонгогчийн иргэний үнэмлэхийг авч явжээ. Бид үүнийг хуулийн байгууллагад хандан шалгуулж байна. 

- АН-ын ажиглагчдад дуу, дүрсний бичлэг хийж болохгүй хэмээн шаардлага тавьж байна Уг нь эдгээр хуулиар зөвшөөрөгдсөн үйл ажиллагаа юм.

- Хамгийн ноцтой нь УИХ-ын 4-р тойрог буюу Хөвсгөл аймгийн сонгуулийн хороодод санал өгч буй иргэдэд зөвлөмж өгөх нэрийдлээр МАН-ын хоёр нэр дэвшигчдэд санал өгөх талаар хэвлэн байршуулжээ. Энэ хэргийг Хөвсгөл аймгийн цагдаагийн байгууллага шалгаж байна.  Үүгээр зогсохгүй МАН ирсэн сонгогчдыг аппликэйшн ашиглан, бүртгэж байна.

- Бүх саналын байранд хэсгийн ахлагч гэж албан тушаалтай хүн бий. Тэд МАН-ыг заавал дэмжээрэй хэмээн иргэдийн сонгох эрхэд халдаж байна. Мөнгө тараалт замбараагаа алдсан. Бид нийт 20-иод үйлдлийг цагдаагийн байгууллагад шалгуулж байна. 18.00 цагт эдгээрийг нэр устай нь, болсон үйл явдалтай нь танилцуулна гэлээ.