Монгол Улс, ОХУ-ын Засгийн газар хоорондын худалдаа, эдийн засаг, шинжлэх ухаан, техникийн хамтын ажиллагааны комиссын Газрын хэвлийн ашиглалтын хамтарсан дэд комиссын ээлжит хурал цахимаар 2024 оны 4-р сарын 18-ны өдөр боллоо.

Уулзалтад Дэд комиссын Монголын талыг Уул уурхай, хүнд үйлдвэрийн дэд сайд Б.Уянга, ОХУ-ын талыг тус улсын Газрын хэвлийн ашиглалтын агентлагийн орлогч А.А.Гермаханов ахалж, бусад холбогдох албаны төлөөлөл оролцон, хоёр орны геологи, эрдэс баялгийн салбарын хамтын ажиллагааг өргөжүүлэх чиглэлээр харилцан санал солилцлоо.