Агаарын бохирдлыг бууруулах Үндэсний хорооны дэргэдэх Эрдэмтдийн зөвлөлийн хоёрдугаар хуралдаан өнөөдөр /2025.04.04/ боллоо.

Хуралдааны эхэнд Агаарын бохирдлыг бууруулах Үндэсний хорооны Ажлын албаны дарга С.Даваасүрэн нийслэлд түүхий нүүрс ашигладаг нам даралтын уурын зуухуудыг шинэчлэх судалгаа, шийдлийн хувилбаруудын талаар мэдээлэл өглөө. Ажлын албанаас нам даралтын зуухуудыг нэгбүрчлэн судалж, шийдлийн зургаан хувилбарыг боловсруулаад буй юм.

Мөн хуралдаанаар Үндэсний хорооны Ажлын албанд агаарын бохирдлыг бууруулах техник технологио танилцуулсан аж ахуйн нэгж, байгууллагуудын төлөөлөл шийдлээ хэлэлцүүллээ.

Өнөөдрийн хуралдаанд

✅“Тэнгис Девелопмент” групп Соронзон орны бойлер

✅“ARYA” ХХК Утаа шүүгч төхөөрөмж

✅Монватт ХХК Дулаан хуримтлуулагч

✅Эко ресурс ХХК Давхар шаталтат зуухаа танилцуулж, эрдэмтэн судлаачдын санал, зөвлөмжийг сонссон юм.

Эрдэмтдийн зөвлөлөөс шийдэл тус бүрээр зөвлөмж гаргаж, аж ахуйн нэгжүүдэд хүргүүлнэ.

Байгаль орчин, уур амьсгалын өөрчлөлтийн яам