Тооцоолол алдагдсаны улмаас “Луна-25” станц Саран дээр унаж сүйрчээ
МОСКВА. /ТАСС/. “Луна-25” автомат станц Сарны гадаргуу дээр унаж сүйрсэн тухай ОХУ-ын “Роскосмос” корпорац ням гарагт мэдэгдлээ.
Наймдугаар сарын 19-ний өдөр буюу бямба гарагт газардахын өмнөх тойрог замд станцыг оруулахын тулд импульс өгөхөөр төлөвлөж байсан бөгөөд Москвагийн цагаар 14:57 цагт “Луна-25”-тай холбоо тасарсан байна. Бямба, ням гарагуудад аппаратыг хайх, холбоо тогтоох оролдлого хийсэн боловч бүтэлгүйтжээ.
Урьдчилсан дүгнэлтээс үзвэл, импульсын бодит үзүүлэлтүүд тооцоолсноос зөрсний улмаас “Луна-25” станц тооцоолоогүй тойрог замд орж, Сарны гадаргуутай мөргөлдөн сүйрсэн гэж "Роскосмос" мэдээллээ. Сарны гадаргуугаас 100 км-ийн өндөрт орших тойрог замаар нисэж байсан сансрын аппарат Саран дээр газардахын өмнө 18 км-ийн нам тойрог замд орох ёстой байжээ.
Сүйрлийн шалтгааныг тогтоохоор яам, газар хоорондын тусгай комисс ажиллаж байна.
Эх сурвалж: https://montsame.mn/mn/
Сэтгэгдэл (1)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
18.143.194.139
Нэг юмаараа Монголтой ижил юм. Тогтоохоор тусгай комисс ажиллаж байна гэдгээрээ ижилхэн юм.
Хариулах