УИХ-ын чуулганы нэгдсэн хуралдаан 10.00 цагт эхэллээ.УИХ-ын чуулганы үдээс өмнөх хуралдаанаар зарим хуулийн төслүүдийг эцэслэн баталлаа.

Өчигдрийн хуралдаанд асуулт асууж, хариулт авч дууссан тул өнөөдөр шууд санал хураав. Ингээд олонх гишүүний саналаар дээрх хуулийн төслийг, хамтад нь өргөн мэдүүлсэн бусад тогтоолын төслүүдийн хамт эцэслэн батлав. 

Тухайлбал, Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуулийн төслийг эцэслэн батлах санал хураалт явуулахад, санал хураалтад оролцсон гишүүдийн 82.3 хувь нь дэмжсэнээр хуулийн төсөл эцэслэн батлагдлаа.

Үргэлжлүүлэн Байгаль орчинд нөлөөлөх байдлын үнэлгээний тухай хуульд нэмэлт өөрчлөлт оруулах тухай хуулийн төслийг хэлэлцэх эсэхийг хэлэлцэж байна.