Т
О
В
Ч

Онцлох
Сэдэв
tovch.mn
товч мэдээлнэ

В.Путин хийн хоолойг Монгол улсын газар нутгаар дайруулах боломжийг судлах даалгавар  өглөө

2019 оны 09 сарын 10

ОХУ-ын ерөнхийлөгч Владимир Путин өчигдөр Газпром компанийн гүйцэтгэх захирал Алексей Миллерийг хүлээн авч уулзахдаа Ямалын хойгоос Хятадын зах зээлд хүрэх хийн хоолойг Монгол улсын газар нутгаар дайруулах боломжийг судлах даалгаварыг  өгчээ. Баруун чиглэлээр хий дамжуулахын тулд Ямал, Красноярск, Эрхүүгийн бүс нутгуудын байгалийн хийн нөөцийг шалгаж, судлах ёстойг Путин энэ үеэр хэлсэн байна. Хариуд нь Миллер энэхүү чиглэлээр хий дамжуулах ажил амаргүй боловч хэрэгжих боломжтой гэж үзэж байгаагаа хэлжээ. Мөн “Сибирийн хүч” хоолойгоор арванхоёрдугаар сарын 1-нээс эхлэн Хятадын зах зээлд байгалийн хий нийлүүлэхэд бэлэн болоод байгаагаа Путинд танилцуулсан байна. “Энэ бол түүхэн үйл явдал. Учир нь уг хоолой дэлхийн хамгийн том хий экспортлогчийг дэлхийн хамгийн том хий импортлогчтой холбож байгаа юм” гэж тайлбарлажээ. Одоогоор Москва, Бээжингийн талууд өөр чиглэлээр Хятадын зах зээлд хий нийлүүлэх боломжуудыг судалж байгаа бөгөөд энэ ажлынхаа хүрээнд Путины санал болгосон баруун чиглэл болон Сахалинаас нийлүүлэх Алс Дорнодын чиглэлийг судалж үзэхээ Миллер амласан байна. 

Сэтгэгдэл бичих

Сэтгэгдэл

  • Manai ulsad oroh mongo liumdaa zov zartsuulvalch ih mongo

  • сайн байна.