УИХ-ын гишүүн Т.Доржханд мэдээлэл хийж байна.

Т.Доржханд:

- Үндсэн хуулийн цэц дээр хэрвээ УИХ-ын гишүүдийнхээ тоог нэмэгдүүлэх гэж байгаа бол УИХ-ын гишүүддээ давхар дээл өмсгөх нь зөв гэдэг агуулгатай шийдвэр гарсан. Зөвхөн давхар дээл өмсөөд УИХ-ын ээлжит бус чуулганаа хаах гээд байна уу эсвэл улс орныхоо эрх ашгийг хангах гэж байна уу гэдгийг сайтар анхаарах хэрэгтэй. 

- ХҮНамын хувьд сонгуулийн тогтолцоогоо өөрчилж,  хувь тэнцүүлсэн тогтолцоо руу оруулах, УИХ-ын гишүүдийн тоогоо өсгөсөн тохиолдолд давхар дээлтэй байж болно гэж. ҮХЦ-ийн шийдвэр ийм агуулгаар шийдвэр гаргасан. 

- ҮХНӨ-ийг хуулийнхаа дагуу хийе.  Энэ 5 хоногийн хугацаанд  цаашид Ардчилсан Монгол улс байх уу гэдгийг хэлэлцэж, шийдвэрлэх гэж байна. Тиймээс МАН болон АН-ын бүлэг хуралдаж, зөв шийдвэр гаргана гэдэгт итгэлтэй байна. 

- ҮХЦ түүхэндээ анх удаа онолын маргааныг 6 цагийн турш хийсэн.

- Эрх баригчид УИХ-ын чуулган хуралдаад Засгийн газрын тухай хуулиа өөрчлөөд явж болох юм. Гэхдээ ҮХЦ-ийн хуралдаанд оролцож, мэдээллээ гаргасан иргэний хувьд хэлэхэд, УИХ-ын гишүүний хувьд юуны түрүүнд Үндсэн хуульд нэмэлт өөрчлөлт хийнэ. Тодруулбал ҮХ-ийн 69.1-ийн дагуу буюу нийт УИХ-ын гишүүдийн 4/3 буюу 57 гишүүний саналаар үүнийг шийднэ. 

Хоёрдугаарт, ҮХЦ-ийн Их суудлын хуралдаанаар УИХ-ын гишүүдийнхээ тоог өсгөх байдлаар шийдэх зөв гэдэг агуулга бүхий шийдвэр гарсан. Өөрөөр хэлбэл 2019 оны өмнөх нөхцөл байдал үүссэн гэсэн үг. Хэрэв давхар дээлтэй УИХ-ын гишүүд их болбол  Засгийн газрынхаа дээр гарчихдаг байдал эргээд л ирнэ. 76 гишүүнтэй байхад 4 гишүүн давхар дээлтэй байна гэж заасан.  

- Зарим улстөрийн намууд эрх баригчдын өмнөөс захиалга биелүүлдэг боллоо гэцгээж байна. Өнөөдрийн хүртэл АН-д хүлээцтэй хандсан. Гэтэл АН-ынхан зөвхөн ХҮНамыг муулдаг нам боллоо. Сөрөг хүчнийхээ ажлыг хий. Бид Ардчилсан парламент байгуулахын төлөө энэ өөрчлөлтийг хөндөж байна. Камер харахаараа шүүмжилдэгээ боль. Тун удахгүй хэн нь Ардчиллын төлөө, хэн нь албан тушаалын төлөө вэ гэдэг нь харагдана.

- Хэрвээ надад сайд болох санал ирвэл би татгалзана. Битгий санаа зов. Хямдхан улстөр хийдэг улстөрийн нам бол ХҮНам биш. Ер нь ийм санал тавихгүй байгаасай гэж хүсэж байна. МАН-ыг иргэд олонхоор нь сонгосон. Хэрэв эрх баригчдаас ийм алхам хийвэл энэ бол зөв зүйл биш. 

- Сайд болохгүй гэж мэдэгдчихээд болдог, хөшигний араар хуйвалддаг, эрх ашгаараа нэгддэг, сандал суудлын төлөө гүйдэг хөгийн улстөрийг ХҮНам өөрчилнө.