#Шууд: Д.Амарбаясгалан: Хувь хүнийхээ хувьд сайд болох тухай төдийлөн илэрхийлдэггүй ч энэ цаг үед шийдвэр гаргахаас өөр аргагүй байлаа.

Д.Амарбаясгалан: 

- Ерөнхий сайд Үндсэн хуулиар олгогдсон эрхийнхээ хүрээнд танхимаа бүрдүүлдэг. Улс орны өмнө олон хүндрэл бэрхшээл байна. Тиймээс Засгийн газар илүү хурдтай, бүтээмжтэй ажиллах шаардлагатай учраас нэр бүхий хүмүүсийг багтаа оруулсан гэж ойлгож байна. 

- Миний хувьд ямар нэг албан тушаал ярьдаггүйг та бүхэн мэдэх байх.  Гэвч энэ цаг үед МАН 2 удаа дарааллан эрх барьж байна. Ирэх 2024 оны сонгуулийн бэлтгэл ажлаа хангах, өмнөх 2 сонгуулиар амласан мөрийн хөтөлбөрөө бүрэн хангуулан ажиллах шаардлага байгаа тул энэ шийдвэрийг гаргаж, ЗГХЭГ-ын даргаар ажиллах боллоо. 

- Орон нутгийн төдийгүй төрийн анхан дунд шатанд ажлын гүйцэтгэлийг онцгой анхаарч ажиллана. Нээлттэй ил тод байдлыг эрхэмлэж ажиллана. Иргэн төр хоёрын харилцаа илүү ойртох ёстой байна. Иймээс төр иргэндээ ААН-дээ саад болдоггүй амар тайван амьдрах эрхийг хангуулан ажиллах болно. 

- Улстөрийн яриа хэлэлцээ байхгүй. Цаашид албан тушаалыг хүссэн хүнд өгөх бус чадвартай хүн нь байх ёстой газартаа ажиллах тогтолцоог нэвтрүүлнэ. 

- Сайдаар ажиллаж байсан бол дахиж сайд хийж болохгүй гэсэн туйлширсан үзлээр хандаж болохгүй. Бид ард иргэдийнхээ итгэл найдварыг тээсэн, хүчирхэг, хурдтай Засгийн газар байхын төлөө ажиллана.