Ардчилсан намынхны эвлэрэл гэж сүүлдээ зодоон нүдээндээ тулж, Төрийн ордныхныг сандаргаж, хамгаалалт авахад хүргэжээ.

УИХ дахь АН-ын бүлгээс өчигдөр Худалдаа аж үйлдвэрийн танхим дээр Эв нэгдэл зөвлөгөөнийг зохион байгуулсан. Уг зөвлөгөөндөө үе үеийнхээ намынхаа ҮБХ-ны гишүүдээ урьж, намынхаа Их хурлыг зохион байгуулахаар санаархсан. Гэвч уг зөвлөгөөний цаад санаархал С.Эрдэнийн талынханд таалагдаагүй. Дээд шүүх болоод Улсын бүртгэлийн газраас АН-ыг С.Эрдэнэ төлөөлдөг гэж үздэг учир аль ч утгаараа энэ зөвлөгөөн Ардчилсан намыг булаах гэсэн оролдлого гэж тэд мэдэгдсэн. Гэвч зөрчил, тэмцэл нь ил цагаандаа гарчээ. УИХ дахь АН-ын бүлгийн албан болон албан бус дарга болох УИХ-ын гишүүн Д.Ганбат, О.Цогтгэрэл нар УИХ-ын гишүүн Д.Пүрэвдоржийн өрөөнд зодолдож, нэгийгээ үзжээ.

Бүлгийн даргын суудлаа булаацалдсаар багагүй хугацаа үлдсэн хэл амаараа учраа ололцоо байгаад хөл гараAараа үзэлцсэн нь энэ бололтой. Ямартай ч тэдний зодооны уршгаар Төрийн ордны хоёр давхрын баруун талыг хамгаалалтад аваад байна.