Г.ЗАНДАНШАТАР: Газрын асуудлыг хянан шалгах нь Баялгийн сангийн хуулийн үндэс, газрын харилцааны зөв тогтолцооны эхлэл болно

Админ
2024/02/22

Улсын Их Хурлын даргын захирамжаар Газрын тухай болон Ашигт малтмалын тухай хууль тогтоомжийн хэрэгжилт, АМНАТ-ын асуудлаар хяналт шалгалт хийж санал, дүгнэлт гаргах, хянан шалгах түр хороо байгуулах бэлтгэл хангах үүрэг бүхий Ажлын хэсгийг байгуулсан. 

 Тус Ажлын хэсэгт мэргэжил, арга зүйн туслалцаа үзүүлэх зорилготой НЗДТГ, АМГТГ, ЦЕГ, ТЕГ, УБЕГ зэрэг холбогдох 19 байгууллагын 28 албан тушаалтны бүрэлдэхүүнтэйгээр байгуулагдсан дэд Ажлын хэсгийн анхны хуралдаан өнөөдөр болж, Улсын Их Хурлын дарга Г.Занданшатар хугацаатай үүрэг, чиглэл өглөө.  

Тэрээр УИХ-аас газрын асуудлыг хөндөж байгаа нь зөвхөн хяналт шалгалтаар хязгаарлагдахгүй болохыг тодотгож, ирээдүй хойч үедээ зориулсан Баялгийн сангийн хуулийн үндэс, газрын харилцааны зөв тогтолцооны эхлэл болсон үйл явдал гэж хандах ёстойг дэд Ажлын хэсгийн гишүүдэд анхааруулав.

Иймд дэд Ажлын хэсэг идэвхтэй ажиллаж, 3-р сарын 1-н гэхэд шаардлагатай судалгаануудыг хийж, хамтран ажиллах үүрэг өгөв. Ингэснээр 3 дугаар сарын 15-ны дотор УИХ-ын Эдийн засгийн байнгын хороо хуралдаж, Хяналт, шалгалтын Түр хороог байгуулах боломжтой. Улмаар 5 дугаар сарын 15-ны дотор багтаж, Хяналт, шалгалтын Түр хороо нээлттэй сонсголыг газар, түүний хэвлийн баялгийн ашиглалт, хуулийн хэрэгжилтийн асуудлаар зохион байгуулах юм.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 183.177.99.226
    2024/02/28

    ХЗДХ сайдаа Өмнөговь аймгийн Даланзадгад суманд нэг мөнгөтэй иргэн зөвхөн өөрийн нэр дээр 30 айлын газар аваад эзэн суучихсан байх юм эрхэм сайдаа та юу гэж бодож байна даа нэг иймэрхүү жишээ жишээ Өмөнговь аймагт хэдэн зуугаараа байна даа гэтэл Өмнөговь аймгийн эгэл иргэн 0,7 га авч чадахгүй өргөдөл чирэгдэл болоод 15 жилийн нүүр үзэж байхад газрыг зөвхөн дарга мөнгөтэй баян хүн өгнөө үгээгүй ядуу хүн өгч болохгүй гэсэн хуулийн заалттай юм уу эрхэм сайдаа ХЗДХСАЙДАА НЭН ДАРУЙ ӨМНӨГОВЬ АЙМГИЙН ГАЗРЫН ДАРГА ТҮШМЭДҮҮДЭД ГЭНЭТИЙН ШАЛГАЛТ ОРУУЛАХ ЮМ БИШ ҮҮ

    Хариулах