АТГ-аас УИХ-ын гишүүн Н.Номтойбаярын бүрэн эрхийг түдгэлзүүлэх хүсэлтээ УЕПГ-т хүргүүлсэн гэх мэдээлэл цацагдаж эхэлсэн. Н.Номтойбаяр энэ талаар “АТГ-ынхан ичдэггүй юм бол миний бүрэн эрхийг түдгэлзэх асуудлыг оруулаад ир. Харин УИХ дээр үүнийг нээлттэй яръя. Магадгүй хэн нэгэн нь горимын санал гаргаад хаалттай явуулахаар бол би та хэдийн камерыг аваад орчихъё. Надад айгаад байх зүйл алга.  Яг одоогоор УИХ-ын Тамгын газраас надад энэ талаар мэдэгдээгүй байна. Би өнгөрсөн 7 хоногт АТГ-ын дарга Дашдаваатай уулзах хүсэлт хүргүүлсэн. Гэтэл нададтай уулзах боломжгүй гэсэн хариу өгсөн” хэмээн мэдэгдсэн байна.