Өнгөрсөн зургадугаар сард Хотын дарга асан Э.Бат-Үүл "Ерөнхийлөгчийн шинэ томилгооны учир тодорч байна" гэх нэртэй нийтлэл бичиж, олон нийтийн сүлжээнд байршуулсан. Харин тэрхүү нийтлэлийг нь Монгол Улсын Ерөнхийлөгч Х.Баттулга, Ерөнхийлөгчийн Тамгын газрын дарга З.Энхболд нар гүтгэлэг хэмээн үзэж, хуулийн байгууллагад хандаж, улмаар 4 сая төгрөгөөр торгуулсан.  Хотын дарга асан Э.Бат-Үүл дээрх шийдвэрийг үндэслэлгүй хэмээн үзэж, торгуулийг хүчингүй болгуулах өргөдлөө Сүхбаатар дүүргийн Эрүүгийн хэргийн анхан шатны шүүхэд гаргасан. Тэгвэл Э.Бат-Үүлд холбогдох шүүх хурал эхэлжээ. Тэрбээр өөрийн цахим хуудсаараа дамжуулан Ерөнхийлөгчийн нэрийн өмнөөс гаргасан гомдлын бичгийг дэлгэсэн байна.