Пригожин Беларусьт ирснийг Лукашенко баталжээ
МИНСК. /BelTA/. Беларусийн Ерөнхийлөгч Александр Лукашенко "Вагнер” цэргийн хувийн компанийг үүсгэн байгуулагч Евгений Пригожин Беларусьт ирснийг баталлаа гэж тус улсын төрийн мэдээллийн “БелТА” агентлаг мэдээлжээ.
Пригожины хувийн онгоц Беларусь улсад газардсан тухай мэдээлэл “Flight Radar” цахим хуудсанд гарсан талаар өмнө нь “Reuters” болон Беларусийн эх сурвалжууд мэдээлж байсан.
Лукашенко мягмар гарагт мөн мэдэгдэхдээ, Батлан хамгаалахын сайд Виктор Хренин армидаа “Вагнер”-ын үйлчилгээг ашиглаж болно гэжээ. Түүний хэлснээр, "вагнерчууд" Беларусийн цэргийнхэнтэй туршлагаа хуваалцах ёстой. Тэрбээр энэ асуудлаар Пригожинтой хэлэлцээ хийхийг Хренинд даалгасан байна.
Өнгөрсөн долоо хоногийн бямба гарагт “Вагнер”-ын эхлүүлсэн бослогыг зогсоохын тулд Пригожинийг Беларусь руу явуулах тохиролцоонд Лукашенкогийн зуучлалаар хүрсэн юм.
Эх сурвалж: https://montsame.mn
Сэтгэгдэл (1)
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.21.107.40
Baas hat avch umhiigee tavihgui l baih daaOdoohondoo hund. Zevseglelgui uchraas ayaduu baih bolov uu
Хариулах